പാലക്കാട്: ബുദ്ധിപരമായ വെല്ലുവിളികൾ നേരിടുന്ന കുട്ടികളെ പരിശീലിപ്പിക്കുന്ന സ്പെഷൽ സ്കൂളുകളുടെ പ്രവേശനോത്സവത്തിന്റെ സംസ്ഥാനതല ഉദ്ഘാടനം കല്ലേക്കാട് ചൈതന്യ സ്പെഷൽ സ്കൂളിൽ വി.കെ. ശ്രീകണ്ഠൻ എംപി നിർവഹിച്ചു. പെയ്ഡ് (പാരന്റ്സ് അസോസിയേഷൻ ഫോർ ഇന്റലക്ച്വലി ഡിഫറന്റ് ഏബിൾഡ്) സംഘടനയുടെ നേതൃത്വത്തിലാണ് പ്രവേശനോത്സവം സംഘടിപ്പിച്ചത്.
സ്പെഷൽ സ്കൂളിൽ പഠിച്ച് പരിശീലനം നേടുന്ന വിദ്യാർഥികൾക്ക് ലഭിക്കുന്ന നിരാമയ ഇൻഷ്വറൻസ് കവറേജ് ഒരു ലക്ഷം രൂപയിൽനിന്ന് അഞ്ചു ലക്ഷമാക്കി ഉയർത്തുന്നതിനും ബുദ്ധിപരമായ വെല്ലുവിളി നേരിടുന്നവർക്കു സൗജന്യ വിദ്യാഭ്യാസത്തിനുള്ള പ്രായപരിധി 35 വയസായി വർധിപ്പിക്കുന്നതും പ്രയത്നിക്കുമെന്ന് എംപി പറഞ്ഞു.
പാലക്കാട് ജില്ലയിലെ പകുതിയിലധികം ഗ്രാമപഞ്ചായത്തുകകളും നഗരസഭകളും ഈ വർഷം ഈ കുട്ടികൾക്ക് ലഭിക്കേണ്ട സ്കോളർഷിപ് തുക പൂർണമായി നൽകിയിട്ടില്ലെന്ന് രക്ഷിതാക്കൾ പരാതിപ്പെട്ടു. ഈ വിഷയം മുഖ്യമന്ത്രിയുടെ ശ്രദ്ധയിൽ കൊണ്ടുവരുമെന്ന് എംപി അറിയിച്ചു.
പെയ്ഡ് സംസ്ഥാന സെക്രട്ടറി അഡ്വ. ബോബി പൂവത്തുങ്കൽ അധ്യക്ഷത വഹിച്ചു. ജില്ലാ പ്രസിഡന്റ് ജോമി ജോർജ്, ചൈതന്യ സ്കൂൾ പ്രിൻസിപ്പൽ ടി. രതി, ഭാഗ്യലക്ഷ്മി, പിടിഎ പ്രസിഡന്റ് കല, അനിൽകുമാർ, ഹരിഹര കൃഷ്ണൻ, ശാന്തകുമാരി, ജില്ലാ സെക്രട്ടറി കെ.പി. എലിയാസ് എന്നിവർ പ്രസംഗിച്ചു.
Deepika
E-paper LOGIN
LOGIN
