ഓസ്ലോ: ചരിത്രനേട്ടം കുറിച്ച് ഇന്ത്യയുടെ ചെസ് സൂപ്പര് താരം ആര്. പ്രഗ്നാനന്ദ. 2026 നോര്വെ ചെസ് ചാമ്പ്യന്ഷിപ്പില് പ്രഗ്നാനന്ദ ജേതാവായി. ഈ നേട്ടം സ്വന്തമാക്കുന്ന ആദ്യ ഇന്ത്യന് താരമാണ് 20കാരനായ പ്രഗ്നാനന്ദ.
അവസാന റൗണ്ടില് ജര്മനിയുടെ വിന്സെന്റ് കൈമറിനെ തോല്പ്പിച്ചാണ് പ്രഗ്നാനന്ദ ചാമ്പ്യന്പട്ടം സ്വന്തമാക്കിയത്.
ഓപ്പണ് വിഭാഗത്തില് 18 പോയിന്റ് നേടി പ്രഗ്നാനന്ദ ഒന്നാം സ്ഥാനത്ത് ഫിനിഷ് ചെയ്തു. ലോക ഒന്നാം നമ്പറായ നോര്വെയുടെ മാഗ്നസ് കാള്സന് നാലാമതും ലോക ചാമ്പ്യനായ ഇന്ത്യയുടെ ഡി. ഗുകേഷ് ഏറ്റവും പിന്നില് ആറാം സ്ഥാനത്താണ് ഫിനിഷ് ചെയ്തത്.
വനിതാ വിഭാഗത്തില് കസാക്കിസ്ഥാന്റെ ബിബിസാര അസൗബയേവ (16.5) ചാമ്പ്യന് പട്ടം കരസ്ഥമാക്കി. ഇന്ത്യന് താരങ്ങളായ ദിവ്യ ദേശ്മുഖും (അഞ്ച്) കൊനേരു ഹംപിയും (ആറ്) ഏറ്റവും പിന്നിലായി.