കോഴിക്കോട്: കോഴിക്കോട് സാമൂതിരി രാജ പി.കെ. കേരളവര്മ (90) അന്തരിച്ചു. ഫാര്മക്കോളജി വിദഗ്ധനും മികച്ച എക്സ്പോര്ട്ടര്ക്കുള്ള കേന്ദ്ര-സംസ്ഥാന സര്ക്കാരുകളുടെ അവാര്ഡ് ജേതാവുമാണ്. ഗാന്ധിജിയുടെ കോഴിക്കോട് സന്ദര്ശനവേളയില് കൈയിലെ സ്വര്ണവള അദ്ദേഹത്തിന് ഊരിനല്കി സ്വാത ന്ത്ര്യസമരത്തിന്റെ ഭാഗമായ മുന് അമ്പാടി കോവിലകം ശ്രീദേവിവര്മയുടെയും തിരുവല്ല നെടുമ്പ്രത്ത് കൊട്ടാരത്തിലെ ബാലരാമവര്മയുടെയും മകനാണ്.
ആന്റിബയോട്ടിക്കുകള് ഉള്പ്പെടെ ഒട്ടേറെ മരുന്നുകളുടെ ഉത്പാദനത്തിലൂടെയും കയറ്റുമതിയിലൂടെയും ശ്രദ്ധേയമായ നാര്ണ്യാട്ട് ഫാര്മസ്യൂട്ടി ക്കല്സ് സ്ഥാപകനാണ്. വര്ഷങ്ങള്ക്കു മുമ്പ് ലക്ഷദ്വീപില് മന്തുരോഗവ്യാപനം തടയാന് സംസ്ഥാനസര്ക്കാരിന്റെ ഫൈലേറിയാസിസ് റിസര്ച്ച് സെന്ററുമായി ചേര്ന്ന് മരുന്ന് കലര്ത്തിയ കറിയുപ്പ് വിതരണം ചെയ്ത് മാതൃകാ പദ്ധതി തയ്യാറാക്കിയ സംഘത്തിലെ അംഗവുമായിരു ന്നു കേരളവര്മ.
സാമൂതിരി കോളജില്നിന്ന് ഇന്റര്മീഡിയറ്റ് പൂര്ത്തിയാക്കി അഹമ്മദാബാദിലെ എല്എം ഫാര്മസി കോളജില് നിന്ന് ഫാര്മസി ബിരുദം നേടി. ശേഷം മുംബൈയില് ജര്മന് റെമഡീസിന്റെ ഫാക്ടറിയില് ജോലിചെയ്തു. പിന്നീട് കോഴിക്കോട് മെഡിക്കല് കോളജിലെ ഫാര്മസി വിഭാഗത്തില് നോണ് മെഡിക്കല് ട്യൂട്ടറായി രണ്ടുവര്ഷം പ്രവര്ത്തിച്ചു.
കോഴിക്കോട്ടെ ഇന്ഡസ്ട്രിയല് എസ്റ്റേറ്റ് മാനുഫാക്ചേഴ്സസ് അസോസിയേഷന് പ്രസിഡന്റ്, ചെറുകിട വ്യവസായ അസോസിയേഷന് എക്സിക്യുട്ടീവ് അംഗം എന്നീ നിലകളില് പ്രവര്ത്തിച്ചു. ഓസ്ട്രേലിയ ഉള്പ്പെടെ ഒമ്പത് രാജ്യങ്ങളിലേക്ക് വ്യവസായ വികസനസാധ്യതകള് പരിശോധിക്കാന് കേന്ദ്ര എക്സ്പോര്ട്ട് പ്രമോഷന് കൗണ്സില് നിശ്ചയിച്ച സമിതിയില് അംഗമായിരുന്നു. കോട്ടയ്ക്കല് ആര്യവൈദ്യശാല, ഔഷധി, വൈദ്യമഠം എന്നീ സ്ഥാപനങ്ങളുടെ ഫാര്മക്കോളജി ഉപദേശകന് എന്ന നിലയിലും പ്രവര്ത്തിച്ചിട്ടുണ്ട്.
തിരുവണ്ണൂര് പുതിയകോവിലകത്ത് തെക്കെകെട്ട് താവഴി അംഗമാണ്. ഭാര്യ: തിരുവല്ല നെടുമ്പ്രം കൊട്ടാരത്തിലെ ജയശ്രീവര്മ. മക്കള്: സുനീതി രാജ (വിവര്ത്തക, ബുക്ക് എഡിറ്റര്, ഡല്ഹി), ഡോ. കെ. സുജിത്ത് വര്മ (പ്രിന്സിപ്പല്, നാഷണല് കോളജ് ഓഫ് ഫാര്മസി, കെഎംസിടി). മരുമക്കള്: കെ.സി. രവീന്ദ്രന്രാജ (കേന്ദ്ര പരിസ്ഥിതിമന്ത്രാലയം, ഉദ്യോഗസ്ഥന്), ആര്. ദിവ്യ (അധ്യാപിക, കൊയിലാണ്ടി ഗവ. എംവി ഹൈസ്കൂള്).
Deepika
E-paper LOGIN
LOGIN
