കൊച്ചി: ജനാധിപത്യ വിരുദ്ധ നിലപാടുകള് നിലനില്ക്കില്ല എന്ന് ഭരണകൂടത്തിനുള്ള മുന്നറിയിപ്പാണ് കേന്ദ്ര വിദ്യാഭ്യാസമന്ത്രി ധര്മേന്ദ്ര പ്രധാന്റെ രാജിയെന്ന് കേരള കാത്തലിക് ഫെഡറേഷന് (കെസിഎഫ്). ഭരണഘടനാപരമായി വിയോജിപ്പ് അറിയിക്കാനുള്ള മൗലികമായ അവകാശത്തെ തെരുവില് നേരിട്ട ഭരണകൂടം ഇതര്ഹിക്കുന്നു.
ഇതിനു സമാനമായി എഫ്സിആര്എ ഉള്പ്പെടെ നിരവധി വിഷയങ്ങളില് ഏകപക്ഷീയമായി നിലപാടുകളുമായി മുന്നോട്ടു പോകുന്നത് ഈ ഘട്ടത്തില് കണ്ടില്ലെന്ന് നടിക്കാനാവില്ല എന്നും കെസിഎഫ് സംസ്ഥാന ഭാരവാഹികള് പറഞ്ഞു.
വിദ്യാര്ഥിസമരത്തിന് പിന്തുണയര്പ്പിച്ചുകൊണ്ട് എറണാകുളത്തു നടത്തിയ ഐക്യദാര്ഢ്യസമ്മേളനം കെസിബിസി ഡെപ്യൂട്ടി സെക്രട്ടറി ജനറല് ഫാ. തോമസ് തറയില് ഉദ്ഘാടനം ചെയ്തു. കെസിഎഫ് സംസ്ഥാന പ്രസിഡന്റ് ബിജു ജോസി കരുവഞ്ചേരി അധ്യക്ഷത വഹിച്ചു.
സമ്മേളനത്തില് കേരളത്തിലെ 32 രൂപതകളില്നിന്ന് രൂപത ഭാരവാഹികളടക്കം നേതാക്കന്മാര് പങ്കെടുത്തു. ജനറല് സെക്രട്ടറി വി.സി. ജോര്ജ്കുട്ടി, സിബിസിഐ ലെയ്റ്റി കൗണ്സില് സെക്രട്ടറി അഡ്വ. ഏബ്രഹാം പട്ട്യാനി, കെആര്എല്സിസി വൈസ് പ്രസിഡന്റ് ജോസഫ് ജൂഡ്, കെഎല്സിഎ സംസ്ഥാന പ്രസിഡന്റ് അഡ്വ. ഷെറി ജെ. തോമസ്, എംസിഎ ഗ്ലോബല് പ്രസിഡന്റ് എസ്.ആര്. ബൈജു, കെസിഎഫ് വൈസ് പ്രസിഡന്റ് ജയ്മോന് തോട്ടുപുറം, കത്തോലിക്ക കോണ്ഗ്രസ് ഗ്ലോബല് ജനറല് സെക്രട്ടറി ജോസുകുട്ടി ഒഴുകയില്, ഷാജി ജോര്ജ്, ഭാരവാഹികളായ അഡ്വ. ബിജു കുണ്ടുകുളം, ധര്മരാജ് പിന്കുളം, എബി കുന്നേ പറമ്പില്, ജെസി അലക്സ്, സിന്ധു ജസ്റ്റസ്, ഷിബു ചുങ്കത്തില്, ബെന്നി ആന്റണി എന്നിവര് പ്രസംഗിച്ചു.
E-paper LOGIN
LOGIN
