കൊളോണ്: മലങ്കര സുറിയാനി ഓര്ത്തഡോക്സ് യൂത്ത് അസോസിയേഷന് (MSOYA) യൂറോപ്പിന്റെ നേതൃത്വത്തില്‍ ജര്‍മനിയിലെ കൊളോണില് സംഘടിപ്പിച്ച "റിവൈവ് 26' യൂത്ത് കോണ്ഫറന്സ് സമാപിച്ചു.
യൂറോപ്പിലെ വിവിധ രാജ്യങ്ങളില്‍ നിന്നുള്ള യുവജനങ്ങള്‍ സമ്മേളനത്തില്‍ പങ്കെടുത്തു. രണ്ട് ദിവസങ്ങളിലായി നടന്ന കോണ്ഫറന്സ് യുവജനങ്ങള്‍ക്ക് ആത്മീയവും ഭൗതികവുമായ തലങ്ങളില്‍ സ്പര്‍ശിക്കുന്ന ദൈവിക അനുഭവമായി മാറി.
ആധുനിക കാലത്തെ വെല്ലുവിളികള്‍ നിറഞ്ഞ തിരക്കേറിയ ദിനചര്യയില്‍നിന്ന് മാറി, സൗഹൃദത്തിനും കൂട്ടായ്മയ്ക്കും ഒത്തുചേരലിനും ദൈവിക അനുഭവങ്ങള്‍ പങ്കുവയ്ക്കുന്നതിനും സത്യവിശ്വാസത്തെക്കുറിച്ചുള്ള പഠനങ്ങള്‍ക്കും കോണ്ഫറന്സ് വേദിയായി.
യൂറോപ്പ് ഭദ്രാസനാധിപനും വൈദിക സെമിനാരി റസിഡന്‍റ് മെത്രാപ്പോലീത്തയും തിരുവനന്തപുരം മേഖല മെത്രാപ്പോലീത്തയും MSOYA പ്രസിഡന്‍റുമായ ഡോ. മോര് തെയോഫിലോസ് കുര്യാക്കോസിന്റെ നേതൃത്വത്തില്‍, യൂറോപ്പ് ഭദ്രാസനത്തിലെ വൈദികരുടെയും വിവിധ ഭാരവാഹികളുടെയും സഹകരണത്തോടെയാണ് കോണ്ഫറന്സ് സംഘടിപ്പിച്ചത്.
"വെളിച്ചത്തില്‍ നടക്കുക' (1 യോഹന്നാന് 1:7) എന്നതായിരുന്നു ഈ വര്‍ഷത്തെ കോണ്ഫറന്സിന്റെ പ്രധാന ചിന്താവിഷയം. വിഷയത്തെ ആസ്പദമാക്കി ബൈബിള്‍ ക്ലാസുകള്‍, വര്ക്ക്ഷോപ്പുകള്, പ്രഭാഷണങ്ങള്‍, ബെദ് ഗാസോ ആത്മീയ സന്ധ്യ, വിവിധ വിനോദ പരിപാടികള്‍ എന്നിവ സംഘടിപ്പിച്ചു.
കോണ്ഫറന്സിന്റെ ഒന്നാംദിനം നടന്ന ഉദ്ഘാടനച്ചടങ്ങില്‍ ഡോ. മോര് തെയോഫിലോസ് കുര്യാക്കോസ് അധ്യക്ഷത വഹിച്ച് പ്രസംഗിച്ചു. ജര്‍മനിയിലെ സുറിയാനി ഓര്ത്തഡോക്സ് സഭയുടെ ആര്‍ച്ച്ബിഷപ് മോര് ഫിലക്സിനോസ് മത്തിയാസ് നായിസ് ഉദ്ഘാടനപ്രസംഗം നടത്തി.
MSOYA വൈസ് പ്രസിഡന്‍റ് ഫാ. രഞ്ചു എബ്രഹാം കുര്യന്‍, MSOYA യൂറോപ്പ് ഭദ്രാസന സെക്രട്ടറി റവ. ഫാ. ജോഷ്വാ റമ്പാച്ചന്‍, സെന്‍റ് പീറ്റേഴ്സ് ആന്‍ഡ് സെന്‍റ് പോള്സ് സിറിയക് ഓര്ത്തഡോക്സ് പള്ളി വികാരി ഫാ. ഗാബിയേല്‍ ദയാന്‍ എന്നിവര്‍ സ്വാഗതം ആശംസിച്ചു.
Deepika
Corehub Solutions
E-paper LOGIN
LOGIN
