കൊച്ചി: കൊച്ചിയില് വാഹനാപകടത്തില് അത്തോളി സ്വദേശിനിക്ക് ദാരുണാന്ത്യം. കുനിയില്കടവ് നമ്പ്യാട്ടുംപുറം വടക്കേപീടികയില് പരേതനായ സുരേഷിന്റെ മകള് അനുശ്രീ (28) യാണ് മരിച്ചത്. ശനിയാഴ്ച ഉച്ചയ്ക്ക് 12.30 ഓടെ കൊച്ചി സീപോര്ട്ട്-എയര്പോര്ട്ട് റോഡില് ഭാരതമാത കോളജിന് സമീപമായിരുന്നു അപകടം.
ബൈക്കില് യാത്ര ചെയ്യുന്നതിനിടെ ടാങ്കര് ലോറി ഇടിച്ചാണ് അപകടം ഉണ്ടായത്. ബൈക്ക് ഓടിച്ചയാള് പുറത്തേക്കും അനുശീ ലോറിക്കടിയിലേക്കും തെറിച്ചു വീണു. ഉടനെ സമീപത്തെ സ്വകാര്യ ആശുപത്രിയില് എത്തിച്ചെങ്കിലും അനുശ്രീയുടെ ജീവന് രക്ഷിക്കാനായില്ല.
സ്വകാര്യ ആശുപത്രിയില് നഴ്സായിയിരുന്നു. കൊച്ചിയില് മോഡലിംഗ് രംഗത്തും സജീവമായിരുന്നു.കഴിഞ്ഞ വര്ഷം ഡിസംബര് 28നാണ് അച്ഛന് മരിച്ചത്. അമ്മ: ബീന. സഹോദരി: ദേവനന്ദ (മഞ്ചേരി മെഡിക്കല് കോളജ് ബിഡിഎസ് വിദ്യാര്ഥിനി).