മനാമ: ബഹ്റിനിൽ 50 വർഷം ഒരേ സ്ഥാപനത്തിൽ ജോലി ചെയ്തതിനുശേഷം നാട്ടിലേക്ക് മടങ്ങുന്ന എസ്.ജി. എബ്രഹാമിനും കുടുംബത്തിനും സ്റ്റുഡൻസ് ഗൈഡൻസ് ഫോറം യാത്രയയപ്പ് നൽകി. നിരവധിയാളുകൾ പരിപാടിയിൽ പങ്കെടുത്ത് എസ്.ജി. എബ്രഹാമിനെ കുറിച്ചുള്ള ഓർമകൾ പങ്കുവച്ചു.
എബ്രഹാമിന്റെ വിശ്വസ്തതയും ആത്മാർഥതയും സ്വീകാര്യതയും സമന്വയിപ്പിച്ചിട്ടുള്ള പ്രവർത്തനങ്ങൾ പുതിയ തലമുറ ഉൾക്കൊള്ളേണ്ടതാണെന്ന് സംസാരിച്ചവർ അഭിപ്രായപ്പെട്ടു. എബ്രഹാമിനെ പരിചയപ്പെടുത്തിക്കൊണ്ട് സ്റ്റുഡൻസ് ഗൈഡൻസ് ഫോറത്തിന്റെ ഉപദേശക അധ്യക്ഷൻ സുനിൽ രാജ് ആമുഖ പ്രസംഗം നടത്തി.
വർഗീസ് കാരയ്ക്കൽ മുഖ്യ പ്രഭാഷണം നടത്തി. ഇടവക വൈസ് പ്രസിഡന്റ് രാജൻ ജോൺ അനുഗ്രഹ പ്രഭാഷണം നടത്തി. ഉസ്താദ് ഫക്രുദീൻ തങ്ങൾ സ്നേഹ സന്ദേശം നേർന്നു.
ഡോ. സുരേഷ് സുബ്രഹ്മണ്യൻ, ഇ.എ. സലീം, എസ്.വി. ബഷീർ, ഇ.വി. രജീവൻ, എ.കെ. സുഹൈൽ, രാജി, എലിസബത്ത് ജോൺ, റിച്ചാർഡ് കൊന്നക്കൽ മുഹമ്മദാലി, സുനിൽ തോമസ് റാന്നി, ജവാദ് പാഷാ എന്നിവർ ആശംസകൾ നേർന്നു.
സ്റ്റുഡൻസ് ഗൈഡൻസ് ഫോറം ചെയർമാൻ എബ്രഹാം ജോണിന്റെ അധ്യക്ഷതയിൽ കൂടിയ യോഗത്തിൽ വച്ച് പി. വിജയകുമാർ അദ്ദേഹത്തെ പൊന്നാട അണിയിച്ച് ആദരിച്ചു.
അദ്ദേഹത്തിന്റെ ഭാര്യയെ യോഗത്തിൽ പങ്കെടുത്ത സ്ത്രീ സമൂഹത്തെ പ്രതിനിധീകരിച്ചുകൊണ്ട് റെജീന ഇസ്മായിൽ, രാജി, എലിസബയത്ത് ജോൺ എന്നിവർ പൊന്നാട അണിയിച്ചു.
പൊതുസമൂഹത്തിനു വേണ്ടി സുനിൽ രാജ്, ഡോ. സുരേഷ് വർഗീസ് കാരക്കൽ, ജോസ് കെ. ജോൺ എന്നിവർ ചേർന്ന് മെമെന്റോ നൽകി ആദരിച്ചു. സക്കറിയ ചുള്ളിക്കലും റജീന ഇസ്മായിലും പരിപാടികൾ നിയന്ത്രിച്ചു. സയ്യിദ് ഹനീഫ നന്ദി പ്രകാശിപ്പിച്ചു.
Deepika
E-paper LOGIN
LOGIN
