കൊച്ചി: വീണാ വിജയന്റെ എക്സാലോജിക് കമ്പനിയും സിഎംആര്എല്ലും തമ്മില് നടത്തിയ ഇടപാടുകളെക്കുറിച്ച് സീരിയസ് ഫ്രോഡ് ഇന്വെസ്റ്റിഗേഷന് ഓഫീസ് (എസ്എഫ്ഐഒ) സമര്പ്പിച്ച രേഖകള് ആവശ്യപ്പെട്ട് ഇഡി അപേക്ഷ സമര്പ്പിച്ചു.
സിഎംആര്എലില്നിന്ന് മാസപ്പടി കൈപ്പറ്റിയതുമായി ബന്ധപ്പെട്ട അന്വേഷണങ്ങളുടെ രേഖകളാണ് തേടുന്നത്.
വീണാ വിജയന് നല്കിയ മൊഴി, സിഎംആര്എല് ഉദ്യോഗസ്ഥരെ ചോദ്യംചെയ്തപ്പോള് ലഭിച്ച വിവരങ്ങള്, എക്സാലോജിക്കും സിഎംആര്എല്ലും തമ്മില് നടത്തിയ കത്തിടപാടുകള്, സാമ്പത്തിക ഇടപാടുകള്, കരാറുകള് തുടങ്ങിയവയുള്പ്പെടെ 54 വാല്യങ്ങളിലായി എസ്എഫ്ഐഒ സമര്പ്പിച്ച 134 രേഖകളുടെ പകര്പ്പാണ് ആവശ്യപ്പെട്ടത്.
കഴിഞ്ഞദിവസം ഇഡി ഡയറക്ടര് പങ്കെടുത്ത യോഗത്തിലെ തീരുമാനപ്രകാരമാണ് അപേക്ഷ സമര്പ്പിച്ചത്. പിഎല്എല്എ കോടതി അപേക്ഷ ഇന്നു പരിഗണിച്ചേക്കും. കൃത്യവും വ്യക്തവും വിശദവുമായ തെളിവുകള് മുന്നില്വച്ച് വീണാ വിജയനെ ചോദ്യം ചെയ്യാനുള്ള നീക്കത്തിന്റെ ഭാഗമായാണു രേഖകള്ക്കായി കോടതിയെ സമീപിച്ചതെന്നാണ് ഇഡി അധികൃതര് നല്കുന്ന സൂചന.
E-paper LOGIN
LOGIN