19

എ​ഴു​പ​ത്ത​ഞ്ചാം പി​റ​ന്നാ​ൾ ആ​ഘോ​ഷി​ച്ച​പ്പോ​ൾ സ​ച്ചി​ദാ​ന​ന്ദ​ൻ കു​റി​ച്ച വ​രി​ക​ളാ​ണി​ത്. സ്വ​ത​ന്ത്ര ഇ​ന്ത്യ​യേ​ക്കാ​ൾ ഒ​രു വ​യ​സ് കൂ​ടു​ത​ലു​ണ്ട് ക​വി​ക്ക്. അ​ധ്യാ​പ​ക​നാ​യി, ക​വി​യാ​യി, പ്ര​ഭാ​ഷ​ക​നാ​യി, പ​ത്രാ​ധി​പ​രാ​യി മ​ല​യാ​ളി​യു​ടെ തോ​ളി​ൽ കൈ​യി​ട്ട​യാ​ൾ. വി​ശ്ര​മി​ച്ചി​ട്ടി​ല്ലാ​ത്ത​യാ​ൾ.

കാ​ൽ​പ​നി​ക​ത​യി​ൽ​നി​ന്നു രാ​ഷ്ട്രീ​യ- ച​രി​ത്ര​ബോ​ധ്യ​ങ്ങ​ളു​ടെ വി​ശാ​ല​ത​ക​ളി​ലേ​ക്കാ​ണ് സ​ച്ചി​ദാ​ന​ന്ദ​ന്‍റെ ക​വി​ത​ക​ൾ പ​ട​ർ​ന്നു​പ​ന്ത​ലി​ച്ച​ത്. പ്രാ​യം പി​ന്നെ​യും അ​ഞ്ചു വ​ർ​ഷം ക​ട​ക്കു​ന്പോ​ൾ ക​വി​ത കൂ​ടു​ത​ൽ ക​ണി​ശ​ത​യാ​ർ​ന്നി​രി​ക്കു​ന്നു. അ​ടു​പ്പ​ക്കാ​ർ മു​ഷി​യു​ന്പോ​ഴും വാ​ക്കു മു​ന​കൂ​ർ​പ്പി​ച്ചു​ത​ന്നെ​യി​രി​ക്കു​ന്നു! കാ​ൽ​പ​നി​ക​ത​യു​ടെ ഉ​ഴു​തു​മ​റി​ച്ച വി​ള​നി​ല​മാ​യി​രു​ന്നു ക​വി​യു​ടെ ജ​ൻ​മ​ദേ​ശം- കൊ​ടു​ങ്ങ​ല്ലൂ​രി​ലെ പു​ല്ലൂ​റ്റ്. പാ​ബ്ലോ നെ​രൂ​ദ​യ്ക്കും സാ​ൽ​വ​ദോ​ർ ദാ​ലി​ക്കും ഏ​റെ മു​ന്പ്, ഒ​രു പെ​രു​മ​ഴ​ക്കാ​ല​ത്തു തൊ​ണ്ണൂ​റു ദി​വ​സം നീ​ണ്ട പ​നി​യാ​ണു ത​ന്നെ ക​വി​യാ​ക്കി​യ​തെ​ന്ന് സ​ച്ചി​ദാ​ന​ന്ദ​ൻ പ​റ​ഞ്ഞി​ട്ടു​ണ്ട്. അ​തു ത​ന്നെ സ​ർ​റി​യ​ലി​സ്റ്റി​ക്കാ​ക്കി​യി​ട്ടു​ണ്ട്.

പു​ല്ലൂ​റ്റ് എ​ന്ന ഗ്രാ​മ​മി​ല്ലാ​യി​രു​ന്നെ​ങ്കി​ൽ സ​ച്ചി​ദാ​ന​ന്ദ​ൻ എ​ന്ന ക​വി​യു​ണ്ടാ​കു​മാ​യി​രു​ന്നി​ല്ല. വ​ർ​ഷ​ത്തി​ൽ ര​ണ്ടു​ദി​വ​സം, ഓ​ണ​ത്തി​നും വി​ഷു​വി​നും കി​ട്ടു​ന്ന കാ​ഴ്ച​ക്കു​ല​യി​ലും പ​ച്ച​ക്ക​റി​യി​ലും വീ​ട്ടു​കാ​ർ ജ​ൻ​മി​മാ​രാ​യി. ബാ​ക്കി നാ​ളു​ക​ൾ റേ​ഷ​ന​രി​ച്ചോ​റും ചു​ളു​ങ്ങി​യ കു​പ്പാ​യ​ങ്ങ​ളും കൊ​ണ്ട് ഇ​ല്ലാ​ത്ത​വ​രാ​യി തി​രി​ച്ച​റി​യ​പ്പെ​ട്ടു. വീ​ട്ടി​ലെ കൃ​ഷി​യി​ൽ​നി​ന്നു കി​ട്ടി​യ ത​ഴ​ന്പ് ക​വി​ത​ക​ളാ​യി ദേ​ശാ​ട​നം ചെ​യ്തു.

കു​ടും​ബ​ത്തി​ൽ ഭ്രാ​ന്തി​ന്‍റെ പാ​ര​ന്പ​ര്യ​മു​ണ്ടാ​യി​രു​ന്നു. അ​മ്മൂ​മ്മ​യും ചെ​റി​യ​മ്മ​യും ഭ്രാ​ന്തി​ന്‍റെ പ​ല​കാ​ല​ങ്ങ​ൾ താ​ണ്ടി. അ​മ്മ ഭ​ക്തി​യി​ലൂ​ടെ​യും താ​ൻ ക​വി​ത​യി​ലൂ​ടെ​യു​മാ​ണു ഭ്രാ​ന്തി​ൽ​നി​ന്നു ര​ക്ഷ​പ്പെ​ട്ട​തെ​ന്ന് സ​ച്ചി​ദാ​ന​ന്ദ​ൻ എ​ഴു​തി​യി​ട്ടു​ണ്ട്. വീ​ട്ടു​പ​ണി​ക​ൾ​ക്കി​ടെ നോ​വ​ലു​ക​ൾ വാ​യി​ച്ചു​ത​ള്ളി​യി​രു​ന്ന ചേ​ച്ചി​മു​ത​ൽ പ്രൈ​മ​റി സ്കൂ​ളി​ലെ വ​ഴി​യി​ൽ കീ​റ​മാ​റാ​പ്പു​മാ​യി ക​രു​ണ​യും ലീ​ല​യും വീ​ണ​പൂ​വും ദു​ര​വ​സ്ഥ​യും ഉ​റ​ക്കെ​ച്ചൊ​ല്ലി​യ ശ​ങ്ക​ര​നെ​ന്ന ഭ്രാ​ന്ത​നും​വ​രെ വാ​ക്കു​ക​ളു​ടെ കൈ​പി​ടി​പ്പി​ച്ചു.

യു​ക്തി വി​ശ​ദീ​ക​രി​ക്കാ​ൻ ക​ഴി​യാ​ത്ത, പു​ല്ലൂ​റ്റി​ലെ പേ​ഗ​ൻ ഭാ​വ​ന​ക​ളാ​കാം സ​ച്ചി​ദാ​ന​ന്ദ​നെ ക​വി​യാ​ക്കി​യ​തെ​ങ്കി​ൽ അ​തെ​ല്ലാം ത​ച്ചു​ട​യ്ക്കു​ന്ന രാ​ഷ്ട്രീ​യ​ക​വി​ത​ക​ളും പി​റ​ന്നു.

വൈ​പു​ല്യ​ത്തി​ലും വൈ​വി​ധ്യ​ത്തി​ലും സ​ച്ചി​ദാ​ന​ന്ദ​നൊ​പ്പം ന​ട​ന്ന ക​വി​ക​ളി​ല്ല! ജീ​വി​തം​പോ​ലെ അ​പൂ​ർ​ണ​ത​ക​ൾ ബാ​ക്കി​വ​യ്ക്കു​ന്ന ചെ​റു​ക​ഥ​ക​ളും ഇ​ട​യ്ക്കി​ടെ പു​റ​ത്തു​വ​ന്നു. പ​രി​ഭാ​ഷ​ക​ളു​ടെ വേ​ലി​യേ​റ്റം​ത​ന്നെ മ​ല​യാ​ള​ത്തി​ൽ സൃ​ഷ്ടി​ച്ചു. ക​ലാ​നി​രൂ​പ​ക​ൻ, ലി​റ്റി​ൽ മാ​ഗ​സി​ൻ എ​ഡി​റ്റ​ർ, അ​ധ്യാ​പ​ക​ൻ, പ്ര​ഭാ​ഷ​ക​ൻ, കേ​ന്ദ്ര-​കേ​ര​ള സാ​ഹി​ത്യ അ​ക്കാ​ദ​മി​ക​ളു​ടെ ചു​മ​ത​ല​ക്കാ​ര​ൻ, ഇ​ന്ത്യ​ൻ ലി​റ്റ​റേ​ച്ച​റി​ന്‍റെ പ​ത്രാ​ധി​പ​ൻ എ​ന്നി​ങ്ങ​നെ എ​ഴു​ത്തൊ​ഴി​ഞ്ഞ കാ​ല​മി​ല്ല. സം​ഗീ​ത​ബോ​ധ​ത്തെ ക​വി​ത​കൊ​ണ്ടു തൃ​പ്ത​മാ​ക്കാ​ൻ ക​ഴി​യി​ല്ലെ​ന്ന തി​രി​ച്ച​റി​വി​ൽ മ​ധു​രോ​ദാ​ത്ത​മാ​യ ഗ​സ​ലു​ക​ളും പി​റ​ന്നു.

‘മ​ഴ​ക​ളി​ൽ​വ​രും കാ​ല​ത്തി​ൻ ചെ​ന്പ​കം പൂ​ക്കും മ​ണ​ങ്ങ​ൾ’ എ​ന്നെ​ഴു​തി​ച്ച​തു സം​ഗീ​ത​മാ​ണ്. ബാ​ല്യ​വും മ​ര​ണ​വും ഭാ​ഷ​യും മ​ഴ​യും ദ​ർ​ശ​ന​ങ്ങ​ളും പ്ര​കൃ​തി​യും ഗ​സ​ലു​ക​ളി​ൽ പെ​യ്തു. ലോ​ക​ക​വി​ത​ക​ളെ മ​ല​യാ​ളി​ക​ൾ​ക്കു മു​ൻ​പി​ലെ​ത്തി​ക്കാ​ൻ യ​ത്നി​ച്ച​വ​ർ സ​ച്ചി​ദാ​ന​ന്ദ​നോ​ളം​വ​രി​ല്ല. ദേ​ശം, ഭാ​ഷ, സം​സ്കാ​രം എ​ന്നി​ങ്ങ​നെ ജ​ന​ത​ക​ളി​ലേ​ക്ക് ആ ​ക​വി​ത​ക​ളി​ലൂ​ടെ നി​ര​ന്ത​രം മ​ട​ങ്ങി​യെ​ത്തി. പ​ണി​യെ​ടു​ക്കു​ന്ന​വ​രും നോ​വു​ന്ന​വ​രും തി​ര​സ്കൃ​ത​രും മ​ഴ​യും വേ​ന​ലും പ്ര​ണ​യ​വും നീ​തി​ബോ​ധ​വും ക​വി​താ​ഭൂ​മി​ക​യി​ൽ വേ​രാ​ഴ്ത്തു​ന്നു.

‘എ​ത്ര സു​ഗ​ന്ധം പൂ​ശു​കി​ലെ​ന്തു​ട​ൽ/ ക​ത്തും മ​ണ​മേ സ​ത്യ’​മെ​ന്ന് ചു​ട​ല​ക്കാ​ര​നി​ലൂ​ടെ സൗ​ന്ദ​ര്യ​ത്തെ ന​ടു​ക്കും​പോ​ലെ പ​ക​ർ​ത്തി​യി​ട്ടു​ണ്ട് സ​ച്ചി​ദാ​ന​ന്ദ​ൻ. കാ​ല​ത്തോ​ടു​ള്ള നി​താ​ന്ത ജാ​ഗ്ര​ത​യാ​ണ് സ​ച്ചി​ദാ​ന​ന്ദ​ന്‍റെ കാ​വ്യ​പ്ര​കൃ​തി. മാ​റി​യ കാ​ല​ത്തി​നും ക​വി​ത​യ്ക്കു​മൊ​പ്പം സ​ച്ചി​ദാ​ന​ന്ദ​നോ​ളം സ​ഞ്ച​രി​ച്ച​വ​രി​ല്ല. നി​ല​പാ​ടു​ക​ളി​ലും അ​ത​ങ്ങ​നെ​ത​ന്നെ.