കൊച്ചി: വ്യക്തമായ തെളിവുകളില്ലാതെ, രേഖകളുടെ അഭാവംകൊണ്ടു മാത്രം പട്ടിക വിഭാഗക്കാരുടെ ഭരണഘടനാപരമായ ആനുകൂല്യങ്ങള് നിഷേധിക്കരുതെന്ന് ഹൈക്കോടതി. പ്രായോഗിക ബുദ്ധിമുട്ടിന്റെ പേരില് ജാതി തെളിയിക്കാന് സാധിച്ചില്ലെന്ന കാരണത്താല് ആനുകൂല്യങ്ങള് നിഷേധിക്കാനാകില്ല.
സര്ട്ടിഫിക്കറ്റിലും മറ്റും തട്ടിപ്പ് നടന്നതായി സര്ക്കാരിന്റെ പക്കല് തെളിവുകള് ഇല്ലാത്തിടത്തോളം ആനുകൂല്യങ്ങള്ക്ക് അവര് അര്ഹരാണെന്നും ജസ്റ്റീസുമാരായ എ.കെ. ജയശങ്കരന് നമ്പ്യാര്, എ.കെ. പ്രീത എന്നിവരടങ്ങുന്ന ഡിവിഷന് ബെഞ്ച് വ്യക്തമാക്കി. പട്ടികവര്ഗ ആനുകൂല്യങ്ങള്ക്കായി വ്യാജ ജാതി സര്ട്ടിഫിക്കറ്റ് ഹാജരാക്കിയെന്നാരോപിച്ചു തൃശൂര് സ്വദേശി വി. ബാലനെ സര്വീസില്നിന്ന് നീക്കിയ നടപടി റദ്ദാക്കിയ ഉത്തരവിലാണ് നിരീക്ഷണം.
ഹര്ജിക്കാരന്റെ പരാതി പരിഗണിച്ച് ആറുമാസത്തിനകം പുതിയ തീരുമാനമെടുക്കാന് സ്ക്രൂട്ടിനി കമ്മിറ്റിക്ക് കോടതി നിര്ദേശം നല്കി. അതുവരെ ബാലന്റെ താത്കാലിക പെന്ഷന് തുടരാനും നിര്ദേശിച്ചു.
Deepika
E-paper LOGIN
LOGIN
