കണ്ണൂർ: സർക്കാർ ഹൈസ്കൂളിലെ മുഖ്യാധ്യാപികയെ പീഡിപ്പിക്കാൻ ശ്രമിച്ച സംഭവത്തിൽ സ്കൂൾ ജീവനക്കാരൻ അറസ്റ്റിൽ. കണ്ണൂർ റൂറൽ പോലീസ് ജില്ലാ പരിധിയിലെ സർക്കാർ സ്കൂളിലാണു കേസിനാസ്പദമായ സംഭവം.
സ്കൂളിലെ ക്ലർക്കായിരുന്ന പ്രതി മുഖ്യാധ്യാപികയെ ഫോണിലൂടെയും നേരിട്ടും ശല്യം ചെയ്തിരുന്നതായാണു പരാതി. ശല്യം തുടർന്നതോടെ പോലീസിൽ പരാതി നൽകുമെന്ന് അധ്യാപിക അറിയിച്ചിരുന്നു. ഇതോടെ പ്രതി അധ്യാപികയെ ഭീഷണിപ്പെടുത്തിയതായും പരാതിയിൽ പറയുന്നു.
തുടർന്ന് അധ്യാപിക വിവരം സ്കൂൾ പിടിഎ ഭാരവാഹികളെ അറിയിച്ചു. പ്രതിക്കെതിരേ നടപടി സ്വീകരിക്കണമെന്ന നിലപാടിൽ പിടിഎ ഉറച്ചതോടെയാണ് അധ്യാപിക പോലീസിൽ പരാതി നൽകിയത്. പോലീസ് കേസെടുത്തു. അറസ്റ്റ് ചെയ്ത് കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Deepika
E-paper LOGIN
LOGIN
