കൊച്ചി: കടല്വിഭവ പ്രേമികള്ക്കായി പുത്തന് രുചിക്കൂട്ടുകളുമായി തിരുവനന്തപുരം ലുലു ഹൈപ്പര്മാര്ക്കറ്റില് സീഫുഡ് ഫെസ്റ്റ് ആരംഭിച്ചു. കേരളത്തിന്റെ തനത് തീരദേശ രുചികള്ക്കൊപ്പം ആഗോള സീഫുഡ് വിഭവങ്ങളും കോര്ത്തിണക്കിയാണ് മേള സജ്ജീകരിച്ചിരിക്കുന്നത്.
നാടന് മീന്കറികള്, പൊള്ളിച്ച മീനുകള് എന്നിവയ്ക്കുപുറമെ പ്രമുഖ ഷെഫുകള് തയാറാക്കുന്ന കോണ്ടിനെന്റല്, ചൈനീസ്, തായ് ശൈലിയിലുള്ള ലൈവ് സീഫുഡ് വിഭവങ്ങളും ഇവിടെ ഒരുക്കിയിട്ടുണ്ട്.
വീടുകളില് എളുപ്പത്തില് പാകം ചെയ്യാന് വിധത്തിലുള്ള മാരിനേറ്റഡ് ഫിഷ് വെറൈറ്റികള്, അറുപതിലധികം ഇനങ്ങളിലുള്ള ഫ്രഷ് മീനുകള്, ഗുണമേന്മയുള്ള ഉണക്കമീനുകള് എന്നിവയുടെ വലിയൊരു നിരതന്നെ ഹൈപ്പര്മാര്ക്കറ്റിലെ പ്രത്യേക കൗണ്ടറുകളില് ലഭ്യമാണ്.
പുതിയ തലമുറയ്ക്ക് കേരളത്തിന്റെ പരമ്പരാഗത കടല്രുചികള് പരിചയപ്പെടുത്തുന്നതിനൊപ്പം ലോകോത്തര സീഫുഡ് വിഭവങ്ങള് ആസ്വദിക്കാനുള്ള മികച്ച അവസരമാണു മേളയിലൂടെ ലുലു ഒരുക്കുന്നത്. ഒക്ടോബര് നാലു വരെ ഫെസ്റ്റ് തുടരും.
Deepika
E-paper LOGIN
LOGIN
