21

ടെഹ്‌റാന്‍: ലോകത്തെ ഇന്ധനപ്രതിസന്ധിയിലേക്കു തള്ളിവിട്ട യുദ്ധം അവസാനിപ്പിക്കാന്‍ യുഎസുമായി ചര്‍ച്ച പുനരാരംഭിക്കാന്‍ ഖത്തര്‍ വഴി ഏഴു നിബന്ധനകള്‍ മുന്നോട്ടുവെച്ച് ഇറാന്‍. ലെബനനിലെ ഏറ്റുമുട്ടല്‍ അവസാനിപ്പിക്കുക, വിദേശ ആസ്തികള്‍ തിരിച്ചുനല്‍കുക, നാവിക ഉപരോധം നീക്കുക എന്നിവയാണ് അല്‍ ജസീറയിലൂടെ ഇറാന്‍ പുറത്തുവിട്ട പ്രധാന ആവശ്യങ്ങള്‍.

നിബന്ധനകള്‍ അംഗീകരിച്ചില്ലെങ്കില്‍ നിര്‍ണായക യുദ്ധത്തിന് തയ്യാറാണെന്ന് ഇറാന്റെ സുരക്ഷാസമിതി സെക്രട്ടറി മൊഹ്‌സന്‍ റെസായി വ്യക്തമാക്കി. പുതിയ ആക്രമണമുണ്ടായാല്‍ ഗള്‍ഫിലെ യുഎസ് താവളങ്ങള്‍ക്കും വാണിജ്യ താത്പര്യങ്ങള്‍ക്കും എതിരെ തിരിച്ചടിക്കുമെന്നും മുന്നറിയിപ്പ് നല്‍കി.