18

ന്യൂ​ഡ​ൽ​ഹി: ര​ജൗ​രി ഏ​റ്റു​മു​ട്ട​ൽ അ​വ​സാ​ന ഘ​ട്ട​ത്തി​ലെ​ന്ന് സു​ര​ക്ഷാ​സേ​ന. ഓ​പ്പ​റേ​ഷ​ൻ ഷെ​രു​വാ​ലി ആ​റാം ദി​വ​സ​ത്തി​ലേ​ക്ക് ക​ട​ന്ന​തോ​ടെ ഭീ​ക​ര​ർ നി​ല​വി​ലു​ള്ള പ്ര​ദേ​ശം വി​ട്ടു​പോ​കാ​ൻ ക​ഴി​യാ​ത്ത വി​ധം ചു​റ്റ​പ്പെ​ട്ടെ​ന്ന് ഉ​ന്ന​ത സൈ​നി​ക ഉ​ദ്യോ​ഗ​സ്ഥ​ർ പ​റ​ഞ്ഞു.

പ്ര​ദേ​ശ​ത്തെ തീ​വ്ര​വാ​ദി​ക​ളു​ടെ നീ​ക്ക​ത്തെ​ക്കു​റി​ച്ച് പ്ര​ത്യേ​ക ഇ​ന്‍റ​ലി​ജ​ൻ​സ് വി​വ​ര​ങ്ങ​ളെ​തു​ട​ർ​ന്ന് ശ​നി​യാ​ഴ്ച​യാ​ണ് ‘ഓ​പ്പ​റേ​ഷ​ൻ ഷെ​രു​വാ​ലി' എ​ന്ന പേ​രി​ൽ സൈ​നി​ക നീ​ക്കം ആ​രം​ഭി​ച്ച​ത്. സൈ​ന്യം, ജ​മ്മു കാ​ശ്മീ​ർ പോ​ലീ​സ്, സെ​ൻ​ട്ര​ൽ റി​സ​ർ​വ് പോ​ലീ​സ് ഫോ​ഴ്‌​സ് (സി​ആ​ർ​പി​എ​ഫ്) എ​ന്നി​വ​ർ സം​യു​ക്ത​മാ​യാ​ണ് ഓ​പ്പ​റേ​ഷ​ൻ ന​ട​ത്തു​ന്ന​ത്.

ഓ​പ്പ​റേ​ഷ​ൻ ആ​രം​ഭി​ച്ച​തി​ന് തൊ​ട്ടു​പി​ന്നാ​ലെ ഡോ​റി​മ​ൽ-​ഗം​ഭീ​ർ മൊ​ഗ്ല ബെ​ൽ​റ്റി​ൽ സു​ര​ക്ഷാ സേ​ന​യും സം​ശ​യി​ക്ക​പ്പെ​ടു​ന്ന തീ​വ്ര​വാ​ദി​ക​ളും ത​മ്മി​ൽ ഏ​റ്റു​മു​ട്ട​ൽ ഉ​ണ്ടാ​യ​താ​യി ഉ​ദ്യോ​ഗ​സ്ഥ​ർ പ​റ​ഞ്ഞു. പ്രാ​ഥ​മി​ക വി​വ​ര​ങ്ങ​ൾ പ്ര​കാ​രം, മൂ​ന്നി​ല​ധി​കം തീ​വ്ര​വാ​ദി​ക​ൾ പ്ര​ദേ​ശ​ത്ത് നി​ല​യു​റ​പ്പി​ച്ചി​ട്ടു​ണ്ടെ​ന്നാ​ണ് നി​ഗ​മ​നം. ഭീ​ക​ര​ർ ര​ക്ഷ​പ്പെ​ടു​ന്ന​ത് ത​ട​യാ​ൻ വി​പു​ല​മാ​യ നി​രീ​ക്ഷ​ണ ന​ട​പ​ടി​ക​ൾ ഏ​ർ​പ്പെ​ടു​ത്തി​യി​ട്ടു​ണ്ടെ​ന്നും സൈ​ന്യം പ​റ​ഞ്ഞു.

വ​ന​മേ​ഖ​ല​യി​ൽ രാ​ത്രി​യി​ലും ക​ന​ത്ത വെ​ടി​വെ​പ്പു​ണ്ടാ​യി. ഭീ​ക​ര​രു​ടെ ഒ​ളി​ത്താ​വ​ളം ത​ക​ർ​ത്തെ​ന്നും വ​ന​ത്തി​നു​ള്ളി​ലെ ഗു​ഹ​യി​ലാ​ണ് നി​ല​വി​ൽ ഭീ​ക​ര​ർ ഒ​ളി​ച്ചി​രി​ക്കു​ന്ന​തെ​ന്നും സു​ര​ക്ഷാ​സേ​ന അ​റി​യി​ച്ചു.