ചെന്നൈ: ഐഎസ്ആർഒയുടെ പരാജയപ്പെട്ട പിഎസ്എല്വി-സി 62 ദൗത്യത്തിന്റെ ഭാഗമായിരുന്ന കാപ്സ്യൂള് കിഡിൽനിന്ന് ഡേറ്റ ലഭിച്ചെന്ന് നിര്മാതാക്കളായ സ്പാനിഷ് സ്റ്റാര്ട്ടപ്പ് ഓര്ബിറ്റല് പാരഡിഗം. ഞങ്ങളുടെ കിഡ് കാപ്സ്യൂള്. പിഎസ്എല്വി സി 62ല്നിന്ന് വേര്പെട്ടെന്നും 3+ മിനിറ്റ് ഡാറ്റ കൈമാറിയെന്നും എക്സിൽ പങ്കുവച്ച പോസ്റ്റിൽ ഓര്ബിറ്റല് പാരഡിഗം പറഞ്ഞു.
കൂടുതല് വിവരങ്ങള് വൈകാതെ പുറത്തുവിടുമെന്നും അവര് വ്യക്തമാക്കിയിട്ടുണ്ട്. സംഭവത്തിൽ ഐഎസ്ആർഒ പ്രതികരിച്ചിട്ടില്ല. 2026ലെ എഎസ്ആർഒയുടെ ആദ്യത്തെ വിക്ഷേപണമാണ് കഴിഞ്ഞ ദിവസം പരാജയപ്പെട്ടത്. ദൗത്യം പരാജയപ്പെട്ടതോടെ ഉപഗ്രഹങ്ങളെല്ലാം നഷ്ടപ്പെടാന് സാധ്യതയുണ്ടെന്നാണു വിലയിരുത്തപ്പെട്ടത്.