8

മും​ബൈ: ഐ​പി​എ​ല്‍ (ഇ​ന്ത്യ​ന്‍ പ്രീ​മി​യ​ര്‍ ലീ​ഗ്) ട്വ​ന്‍റി-20 ക്രി​ക്ക​റ്റി​ല്‍ മും​ബൈ ഇ​ന്ത്യ​ന്‍​സി​ന്‍റെ ക്യാ​പ്റ്റ​നാ​യ പേ​സ് ഓ​ള്‍​റൗ​ണ്ട​ര്‍ ഹാ​ര്‍​ദി​ക് പാ​ണ്ഡ്യ പ​ഞ്ചാ​ബ് കിം​ഗ്സി​ലേ​ക്കു ചേ​ക്കേ​റി.

2027 സീ​സ​ണി​നു മു​ന്പാ​യി ട്രേഡിം​ഗി​ലൂ​ടെ​യാ​ണ് ഹാ​ർ​ദി​ക്കി​നെ മും​ബൈ ഇ​ന്ത്യ​ൻ​സ് കൈ​മാ​റി​യ​ത്. മും​ബൈ ഇ​ന്ത്യ​ൻ​സി​ന്‍റെ ക്യാ​പ്റ്റ​നാ​യ ഹാ​ർ​ദി​ക്, പ​ഞ്ചാ​ബ് കിം​ഗ്സി​ൽ ശ്രേ​യ​സ് അ​യ്യ​റി​ന്‍റെ ക്യാ​പ്റ്റ​ൻ​സി​യി​ൽ ക​ളി​ക്കാ​ൻ സ​ന്ന​ദ്ധ​ത അ​റി​യി​ച്ച​തോ​ടെ​യാ​ണ് കൈ​മാ​റ്റം സാ​ധ്യ​മാ​യ​തെ​ന്നും പി​ടി​ഐ റി​പ്പോ​ർ​ട്ട് ചെ​യ്തു.

ഹാ​ർ​ദി​ക്കി​നു പ​ക​ര​മാ​യി പ​ഞ്ചാ​ബ് കിം​ഗ്സി​ന്‍റെ പേ​സ​ർ അ​ർ​ഷ​ദീ​പ് സിം​ഗി​നെ മും​ബൈ ഇ​ന്ത്യ​ൻ​സി​നു ല​ഭി​ക്കും. മും​ബൈ ഇ​ന്ത്യ​ന്‍​സി​ന്‍റെ ക്യാ​പ്റ്റ​ന്‍​സി​യി​ല്‍ ഹാ​ര്‍​ദി​ക്കി​ന്‍റെ മോ​ശം പ്ര​ക​ട​ന​മാ​ണ് അ​ദ്ദേ​ഹ​ത്തെ പു​റ​ത്തേ​ക്കു​ള്ള വ​ഴി​യി​ലാ​ക്കി​യ​ത്. മും​ബൈ ഇ​ന്ത്യ​ന്‍​സി​ന്‍റെ മു​ന്‍ ക്യാ​പ്റ്റ​നും ടീം ​അം​ഗ​വു​മാ​യ രോ​ഹി​ത് ശ​ര്‍​മ പു​തി​യ ക്യാ​പ്റ്റ​നാ​യി യു​വ​താ​രം തി​ല​ക് വ​ര്‍​മ​യെ നി​ര്‍​ദേ​ശി​ച്ചി​രു​ന്നു.

പ​ഞ്ചാ​ബ് ക്യാ​പ്റ്റ​ൻ ശ്രേ​യ​സ് അ​യ്യ​റി​ന്‍റെ​യും കോ​ച്ച് റി​ക്കി പോ​ണ്ടിം​ഗി​ന്‍റെ​യും തീ​രു​മാ​ന​പ്ര​കാ​ര​മാ​ണ് അ​ർ​ഷ​ദീ​പ് സിം​ഗി​നെ ന​ൽ​കി ഹാ​ർ​ദി​ക്കി​നെ സ്വ​ന്ത​മാ​ക്കി​യ​തെ​ന്നാ​ണ് റി​പ്പോ​ർ​ട്ട്. ഹാ​ര്‍​ദി​ക് പാ​ണ്ഡ്യ ചെ​ന്നൈ സൂ​പ്പ​ര്‍ കിം​ഗ്‌​സി​ലേ​ക്കു ചേ​ക്കേ​റി​യേ​ക്കു​മെ​ന്നാ​യി​രു​ന്നു ആ​ദ്യ റി​പ്പോ​ര്‍​ട്ട്.

കോ​ല്‍​ക്ക​ത്ത നൈ​റ്റ് റൈ​ഡേ​ഴ്‌​സ്, രാ​ജ​സ്ഥാ​ന്‍ റോ​യ​ല്‍​സ് ടീ​മു​ക​ളു​ടെ പേ​രു​ക​ളും പി​ന്നീ​ട് ഉ​യ​ര്‍​ന്നു​വ​ന്നു. 2027 ഐ​പി​എ​ല്‍ ലേ​ല​ത്തി​നു മു​മ്പാ​യി ടീ​മു​ക​ള്‍ നി​ല​നി​ര്‍​ത്തു​ന്ന താ​ര​ങ്ങ​ളു​ടെ പ​ട്ടി​ക 17നു ​പു​റ​ത്തു​വി​ട​ണം. ഈ ​പ​ശ്ചാ​ത്ത​ല​ത്തി​ലാ​ണ് ഹാ​ര്‍​ദി​ക് പാ​ണ്ഡ്യ​യെ ട്രേ​ഡിം​ഗി​ലൂ​ടെ മും​ബൈ ഇ​ന്ത്യ​ന്‍​സ് കൈ​വി​ട്ട​ത്. എ​ന്നാ​ൽ, ഇ​ക്കാ​ര്യം ഔ​ദ്യോ​ഗി​ക​മാ​യി പ്ര​ഖ്യാ​പി​ച്ചി​ട്ടി​ല്ല.