ചേര്ത്തല: പ്രാര്ഥനാനിര്ഭരമായ മനസുകളുമായി ഒരു രാത്രി മുഴുവന് കാത്തിരുന്ന വിശ്വാസികള്ക്കു ദര്ശനപുണ്യമേകി അര്ത്തുങ്കല് വിശുദ്ധ സെബസ്ത്യാനോസിന്റെ തിരുസ്വരൂപം നടതുറന്നു.
വിശുദ്ധഗ്രന്ഥ വായനയോടും മലയാളം, ലത്തീന് ഭാഷകളിലുള്ള ഗാനശുശ്രൂഷയോടും കൂടെ പുലര്ച്ചെയാണു തിരുസ്വരൂപം പുറത്തെടുത്തു പരസ്യവണക്കത്തിനായി തിരുനടയില് വച്ചത്.
വിശുദ്ധന്റെ തിരുസ്വരൂപം ദര്ശിക്കുവാനും വണങ്ങുവാനുമായി ഇന്നലെ രാത്രി മുതല് വിശ്വാസിസഹസ്രങ്ങള് പള്ളിയിലും മുറ്റത്തുമായി കാത്തിരിക്കുകയായിരുന്നു.
പള്ളിയില് പ്രത്യേകം സൂക്ഷിച്ച അറയില് നിന്നു വര്ഷത്തില് ഒരിക്കല് മാത്രമാണ് അത്ഭുത തിരുസ്വരൂപം പുറത്തെടുക്കുന്നത്. ബസിലിക്ക റെക്ടര് ഫാ.യേശുദാസ് കാട്ടുങ്കല്ത്തയ്യിലിന്റെ നേതൃത്വത്തിലാണു തിരുസ്വരൂപം പുറത്തെടുത്തത്. പ്രധാനതിരുനാള്ദിനം 20 നാണ്. കൃതജ്ഞതാദിനത്തോടെ 27ന് തിരുനാള് സമാപിക്കും.
Deepika
E-paper LOGIN
LOGIN
