16

ഗാ​ലെ: വെ​യി​ലും മ​ഴ​യും ഹൈ​ഡ് ആ​ന്‍​ഡ് സീ​ക്ക് ക​ളി​ച്ച​പ്പോ​ള്‍ ഗാ​ലെ ഇ​ന്‍റ​ര്‍​നാ​ഷ​ണ​ല്‍ സ്റ്റേ​ഡി​യ​ത്തി​ല്‍ ഇ​ന്ന​ലെ ന​ഷ്ട​മാ​യ​ത് 17 ഓ​വ​ര്‍. ഇ​ന്ത്യ x ശ്രീ​ല​ങ്ക ര​ണ്ടു മ​ത്സ​ര ടെ​സ്റ്റ് ക്രി​ക്ക​റ്റ് പ​ര​മ്പ​ര​യു​ടെ ആ​ദ്യ​ദി​നം മ​ഴ​യു​ടെ വ​ര​വ് ഫ്‌​ളോ ന​ഷ്ട​പ്പെ​ടു​ത്തി. എ​ങ്കി​ലും ഇ​ന്ത്യ​ന്‍ ബാ​റ്റ​ര്‍​മാ​രു​ടെ ആ​ധി​കാ​രി​ക​ത​യി​ല്‍ ല​ങ്ക​യ്ക്കു മ​റു​പ​ടി​യി​ല്ലാ​യി​രു​ന്നു.

ടോ​സ് നേ​ടി ആ​ദ്യം ബാ​റ്റ് ചെ​യ്യാ​ന്‍ തീ​രു​മാ​നി​ച്ച ഇ​ന്ത്യ, 288/2 എ​ന്ന നി​ല​യി​ല്‍ ആ​ദ്യ​ദി​നം ക്രീ​സ് വി​ട്ടു. സെ​ഞ്ചു​റി നേ​ടി​യ മ​ല​യാ​ളി താ​രം ദേ​വ്ദ​ത്ത് പ​ടി​ക്ക​ലി​ന്‍റെ മി​ക​വാ​ണ് ഇ​ന്ത്യ​ന്‍ ഇ​ന്നിം​ഗ്‌​സി​നു ക​രു​ത്താ​യ​ത്. അ​തോ​ടെ രാ​ജ്യ​ത്തി​ന്‍റെ 80-ാം സ്വാ​ത​ന്ത്ര്യ​ദി​ന​ത്തി​ല്‍ അ​ര​ങ്ങേ​റു​ന്ന, ടീം ​ഇ​ന്ത്യ​യു​ടെ 600-ാം ടെ​സ്റ്റ് ക്രി​ക്ക​റ്റി​ന്‍റെ ആ​ദ്യ​ദി​നം ത്രി​വ​ര്‍​ണം പാ​റി...

ക​ന്നി സെ​ഞ്ചു​റി

മൂ​ന്നാം ന​മ്പ​റാ​യി ക്രീ​സി​ലെ​ത്തി​യ ദേ​വ്ദ​ത്ത് പ​ടി​ക്ക​ല്‍ നേ​രി​ട്ട 134-ാം പ​ന്തി​ല്‍ സെ​ഞ്ചു​റി തി​ക​ച്ചു. മ​ല​പ്പു​റ​ത്തു വേ​രു​ക​ളു​ള്ള ദേ​വ്ദ​ത്തി​ന്‍റെ മൂ​ന്നാം ടെ​സ്റ്റ് മ​ത്സ​ര​മാ​ണി​ത്. ര​ണ്ടാം വി​ക്ക​റ്റി​ല്‍ കെ.​എ​ല്‍. രാ​ഹു​ലി​നൊ​പ്പം 150 റ​ണ്‍​സ് കൂ​ട്ടു​കെ​ട്ടും ദേ​വ്ദ​ത്ത് പ​ടി​ക്ക​ല്‍ കെ​ട്ടി​പ്പ​ടു​ത്തു.

മൂ​ന്നാം വി​ക്ക​റ്റി​ല്‍ ക്യാ​പ്റ്റ​ന്‍ ശു​ഭ്മാ​ന്‍ ഗി​ല്ലി​നൊ​പ്പം 39ഉം ​നാ​ലാം വി​ക്ക​റ്റി​ല്‍ ഋ​ഷ​ഭ് പ​ന്തി​നൊ​പ്പം അ​ഭേ​ദ്യ​മാ​യ 52 റ​ണ്‍​സി​ന്‍റെ​ കൂ​ട്ടു​കെ​ട്ടി​ലും പ​ടി​ക്ക​ല്‍ പ​ങ്കാ​ളി​യാ​യി. 28 പ​ന്തി​ല്‍ 16 റ​ണ്‍​സ് നേ​ടി​യ ശു​ഭ്മാ​ന്‍ ഗി​ല്‍ പ്ര​ഭാ​ത് ജ​യ​സൂ​ര്യ​യു​ടെ പ​ന്തി​ല്‍ പു​റ​ത്തായി. ഗി​ല്ലി​ന്‍റെ പു​റ​ത്താ​ക​ലാ​യി​രു​ന്നു ഏക തി​രി​ച്ച​ടി.

178 പ​ന്തി​ല്‍ ഒ​രു സി​ക്‌​സും 12 ഫോ​റും അ​ട​ക്കം 131 റ​ണ്‍​സു​മാ​യി ദേ​വ്ദ​ത്ത് പ​ടി​ക്ക​ല്‍ ക്രീ​സി​ല്‍ തു​ട​രു​ന്നു. 36 പ​ന്തി​ല്‍ 27 റ​ണ്‍​സ് നേ​ടി​യ ഋ​ഷ​ഭ് പ​ന്താ​ണ് കൂ​ട്ടി​നു​ള്ള​ത്.

ജ​യ്‌​സ്വാ​ള്‍ റണ്ണൗട്ട്; രാ​ഹു​ല്‍ റിട്ടയേർഡ്

നി​ര്‍​ഭാ​ഗ്യ​വും ആ​ശ​യ​വി​നി​മ​യ​ത്തി​ലെ പി​ഴ​വും കാ​ര​ണ​മാ​യി​രു​ന്നു യ​ശ​സ്വി ജ​യ്‌​സ്വാ​ളി​ന്‍റെ വി​ക്ക​റ്റ് ന​ഷ്ട​പ്പെ​ട്ട​ത്. 37 പ​ന്തി​ല്‍ 32 റ​ണ്‍​സു​മാ​യി ക്രീ​സി​ല്‍ തു​ട​ര്‍​ന്ന ജ​യ്‌​സ്വാ​ള്‍, നോ​ണ്‍​സ്‌​ട്രൈ​ക്കേ​ഴ്‌​സ് എ​ന്‍​ഡി​ല്‍ വ​ച്ചാ​ണ് റ​ണ്ണൗ​ട്ടാ​യ​ത്. രാ​ഹു​ലി​ന്‍റെ മി​ഡ്-​ഓ​ണ്‍ സ്‌​ട്രോ​ക്ക്.

പ​ന്തി​നാ​യി ബൗ​ള​ര്‍ ഡൈ​വ് ചെ​യ്ത​പ്പോ​ള്‍ ജ​യ്‌​സ്വാ​ളി​ന്‍റെ കാ​ലി​ല്‍ ത​ട്ടി. ജ​യ്‌​സ്വാ​ള്‍ വീ​ണു. ഓ​ടാ​ന്‍ ശ്ര​മി​ച്ചെ​ങ്കി​ലും തി​രി​കെ ക്രീ​സി​ലേ​ക്ക്. എ​ന്നാ​ല്‍, അ​പ്പോ​ഴേ​ക്കും രാ​ഹു​ല്‍ നോ​ണ്‍ സ്‌​ട്രൈ​ക്ക് എ​ന്‍​ഡി​ല്‍ എ​ത്തു​ക​യും പ​ന്തു ല​ഭി​ച്ച വി​ക്ക​റ്റ് കീ​പ്പ​ര്‍ നി​രോ​ഷ​ന്‍ ഡി​ക്‌​വെ​ല്ല വി​ക്ക​റ്റ് തെ​റി​പ്പി​ക്കു​ക​യും ചെ​യ്തു. അ​തോ​ടെ ജ​യ്‌​സ്വാ​ള്‍ പ​വ​ലി​യ​നി​ലേ​ക്കു മ​ട​ങ്ങി.

162 പ​ന്തി​ല്‍ ഒ​രു സി​ക്‌​സും ഒ​മ്പ​ത് ഫോ​റും അ​ട​ക്കം 77 റ​ണ്‍​സ് എ​ടു​ത്ത കെ.​എ​ല്‍. രാ​ഹു​ല്‍ പേ​ശി​വ​ലി​വി​നെ തു​ട​ര്‍​ന്നു റി​ട്ട​യ​ര്‍ ചെ​യ്തു. ചാ​യ​യ്ക്കു​ശേ​ഷം ക്രീ​സി​ലേ​ക്ക് തി​രി​ച്ചെ​ത്താ​ന്‍ രാ​ഹു​ലി​നു സാ​ധി​ച്ചി​ല്ല. ഇ​ന്ത്യ​ന്‍ സ്‌​കോ​ര്‍ 197ല്‍ ​എ​ത്തി​യ​പ്പോ​ഴാ​യി​രു​ന്നു അ​ത്.