17

കാൻബറ: വിദേശവിദ്യാർഥികൾ പങ്കാളികളെയും കുട്ടികളെയും കൊണ്ടുവരുന്നത് തടയാൻ ഓസ്ട്രേലിയ. അഭ്യന്തരമന്ത്രി ടോണി ബുർക്കെ ഇതു സംബന്ധിച്ച തീരുമാനം ഉടൻ പ്രഖ്യാപിക്കുമെന്നാണ് സൂചന.

കുടിയേറ്റ നിയന്ത്രണത്തിന്‍റെ ഭാഗമായിട്ടാണ് ഈ നടപടി. നിലവിൽ വിദ്യാർഥി വീസയുള്ളവരുടെ പങ്കാളികൾക്ക് ഓസ്ട്രേലിയയിൽ തൊഴിലെടുക്കാൻ അനുമതിയുണ്ട്. 18നു താഴെയുള്ള കുട്ടികളെയും ഓസ്ട്രേലിയയിലേക്കു കൊണ്ടുവരാം.

നിലവിൽ ഓസ്ട്രേലിയയിൽ കുടുംബത്തോടൊപ്പം താമസിക്കുന്ന വിദേശ വിദ്യാർഥികളെ പുതിയ നിയമം ബാധിക്കില്ല. പിഎച്ച്ഡ് വിദ്യാർഥികളും ചില രാജ്യക്കാർക്കും പുതിയ നിയമത്തിൽ ഇളവുണ്ടാകും.

ഓസ്ട്രേലിയയിൽ തുടരാൻ ഒരേ ലെവലിലുള്ള കോഴ്‌സുകൾ മാറി മാറി പഠിക്കുന്ന രീതിയും അവസാനിപ്പിക്കും. ബിരുദ കോഴ്സുകൾക്കായി എത്തുന്നവർ അതു പൂർത്തിയായ ശേഷം രാജ്യത്ത് തുടരണമെങ്കിൽ ബിരുദാനന്തരബിരുദത്തിനു ചേരേണ്ടിവരും.