25

ന്യൂ​ഡ​ൽ​ഹി: നീറ്റ് പരീക്ഷാചോദ്യപേപ്പർ ചോർച്ചയ്ക്കെതിരേയുള്ള സമരത്തിന്‍റെ വിജയം ജീവനൊടുക്കിയ 21 വിദ്യാർഥികൾക്കായി സമർപ്പിച്ച് സിജെപി സ്ഥാപകനേതാവ് അഭിജിത്ത് ദീപ്കെ. 35 ദിവസം നീണ്ട സമരത്തിനൊടുവിൽ കേന്ദ്ര വിദ്യാഭ്യാസമന്ത്രി ധർമേന്ദ്ര പ്രധാൻ രാജിവച്ചെന്ന വാർത്ത എത്തിയതോടെ വലിയ ആവേശത്തിരയിലായ ജന്തർ മന്തറിലെ സമരവേദിയിൽ നീറ്റ് പരീക്ഷ മാറ്റിയതിനെത്തുടർന്നു ജീവനൊടുക്കിയ 21 പേരുടെ പേരുകൾ വിളിച്ചു പറഞ്ഞാണ്ഈ സമരത്തിന്‍റെ വിജയം കോക്രോച്ച് ജനത പാർട്ടി അവർക്കായി സമർപ്പിച്ചത്.

ഒരു പ്രവർത്തകയാണ് മന്ത്രി രാജിവച്ച വിവരം മൊബൈൽ ഫോണിൽ അഭിജിത്തിനു കാണിച്ചുകൊടുത്തത്. ഇതോടെ ആവേശത്തിലായ അഭിജിത്ത് തറയിൽ പലവട്ടം അടിച്ചാണ് സമരവിജയം ആഘോഷിച്ചത്. 

രാ​ജ​സ്ഥാ​ൻ, ത​മി​ഴ്നാ​ട്, ഉ​ത്ത​ർ​പ്ര​ദേ​ശ്, മ​ധ്യ​പ്ര​ദേ​ശ് തു​ട​ങ്ങി വി​വി​ധ സം​സ്ഥാ​ന​ങ്ങ​ളി​ലെ വി​ദ്യാ​ർ​ഥി​ക​ളാ​ണ് മാ​ന​സി​ക​ സ​മ്മ​ർ​ദ​ങ്ങ​ൾ​ക്കൊ​ടു​വി​ൽ ജീ​വ​നൊ​ടു​ക്കി​യ​ത്. ചോദ്യപേപ്പറുകൾ ചോരുകയും പരീക്ഷ റദ്ദാക്കുകയുംചെയ്തത് ഏറെ തയാറെടുപ്പുകളോടെ പണം മുടക്കി പരീക്ഷ എഴുതിയ വിദ്യാർഥികൾക്കു വൻ ദുരിതം സമ്മാനിച്ചിരുന്നു. 

പ​രീ​ക്ഷ ന​ട​ത്തി​പ്പി​ലെ ത​ട്ടി​പ്പു​ക​ളും തു​ട​ർ​ന്നു​ണ്ടാ​യ അ​നീ​തി​ക​ളുമാണ് കുട്ടികളെ അരക്ഷിതാ വസ്ഥയിലേക്കും ആത്മഹത്യയിലേക്കും  തള്ളിവിട്ടതെന്ന് ആരോപണം ഉയർന്നിരുന്നു.  

കുട്ടികൾക്കിടയിൽ  രാ​ജ്യ​വ്യാ​പ​ക​മാ​യി ഉ​യ​ർ​ന്ന രോ​ഷം സിജെപി ഏറ്റെടുത്തതോടെ ഭരണകൂടത്തെ ഇളക്കിയ പ്രക്ഷോഭമായി മാറുകയായിരുന്നു. ഇതാണ്  ഒ​ടു​വി​ൽ വി​ദ്യാ​ഭ്യാ​സ മ​ന്ത്രി​യു​ടെ രാ​ജി​യി​ലേ​ക്കു വ​ഴി​തെ​ളി​ച്ചത്. ഇ​ത്ര​യും വി​ദ്യാ​ർ​ഥി​ക​ൾ ജീ​വ​നൊ​ടു​ക്കി​യി​ട്ടും സ​ർ​ക്കാ​രി​ന്‍റെ ഭാ​ഗ​ത്തു​നി​ന്നു യാ​തൊ​രു​വി​ധ ഉ​ത്ത​ര​വാ​ധി​ത്ത​വും ഉ​ണ്ടാ​വി​ല്ലെ​ന്ന നി​ല​പാ​ടി​നെ​തി​രെ ശ​ക്ത​മാ​യ പ്ര​തി​ഷേ​ധ​മാ​ണ് ഉ​യ​ർ​ന്ന​ത്.

ആ​ത്മ​ഹ​ത്യ ചെ​യ്ത വി​ദ്യാ​ർ​ഥി​ക​ളു​ടെ കു​ടും​ബ​ങ്ങ​ൾ​ക്ക് ഒരു കോടി രൂപ വീതം ന​ഷ്ട​പ​രി​ഹാ​രം ന​ൽ​ക​ണ​മെ​ന്നും പ്ര​തി​ഷേ​ധ​കാ​ർ​ക്കെ​തി​രെ എ​ടു​ത്ത കേ​സു​ക​ൾ പി​ൻ​വ​ലി​ക്ക​ണ​മെ​ന്നു​മു​ള്ള ആ​വ​ശ്യ​ങ്ങ​ളി​ൽ സി​ജെ​പി ഉ​റ​ച്ചു​നി​ൽ​ക്കു​ക​യാണ്. ഇതും കേന്ദ്രസർക്കാർ അംഗീകരിച്ചേക്കുമെന്നാണ് സൂചനകൾ. രാ​ജ്യ​ത്തെ വി​ദ്യാ​ർ​ഥി​ക​ളു​ടെ ജീ​വ​നും ഭാ​വി​ക്കും സു​ര​ക്ഷി​ത​ത്വം ഉ​റ​പ്പാ​ക്കാ​ൻ പ​രീ​ക്ഷ സ​മ്പ്ര​ദാ​യ​ങ്ങ​ളി​ൽ മാ​റ്റ​ങ്ങ​ൾ വേ​ണമെന്ന ആവശ്യവും ശക്തമായിട്ടുണ്ട്.