സുല്ത്താന് ബത്തേരി: പൊലിസ് സ്റ്റേഷനിലെ സ്റ്റോര് മുറിയില്നിന്നു മോഷണം പോയ ഏഴ് ചാക്ക് നിരോധിത പുകയില ഉത്പന്നങ്ങള് (ഹാന്സ്)കണ്ടെടുത്തു. സ്റ്റേഷനില് തൊണ്ടിമുതലായി സൂക്ഷിച്ചതും സീനിയര് സിപിഒ സബിത്ത് കടത്തിയതുമായ ഹാന്സ് ചാക്കുകളാണ് കണ്ടെത്തിയത്. സ്റ്റേഷനില്നിന്ന് 500 മീറ്റര് അകലെ പൊലിസ് ക്വാര്ട്ടേഴ്സിലാണ് ഹാന്സ് ചാക്കുകള് ഉണ്ടായിരുന്നത്.
തൊണ്ടിമുതല് കടത്തിയ കേസില് റിമാന്ഡിലായ സബിത്തിനെ കസ്റ്റഡിയില് വാങ്ങി നടത്തിയ തെളിവെടുപ്പിലാണ് മോഷണമുതല് കണ്ടെത്തിയത്. കസ്റ്റഡി കാലാവധി കഴിഞ്ഞ സബിത്തിനെയും കണ്ടെടുത്ത തൊണ്ടിമുതലുകളും പൊലിസ് കോടതിയില് ഹാജരാക്കി. സബിത്ത് നിലവില് സസ്പെന്ഷനിലാണ്.
തൊണ്ടിമുതല് മോഷണത്തിന് കേസ് രജിസ്റ്റര് ചെയ്തതിന്റെ തൊട്ടടുത്തദിവസം പുലര്ച്ചെയാണ് ഹാന്സ് ചാക്കുകള് സബിത്ത് ക്വാര്ട്ടേഴ്സില് എത്തിച്ചതെന്നാണ് അന്വേഷണസംഘം പറയുന്നത്.
ഇതിനുമുമ്പ് ഹാന്സ് ചാക്കുകള് കല്പ്പറ്റയില് സൂക്ഷിച്ചതായി അന്വേഷണസംഘത്തിന് വിവരം ലഭിച്ചിട്ടുണ്ട്.
സ്റ്റേഷനില്നിന്ന് തൊണ്ടിമുതല് പുറത്തേക്ക് കൊണ്ടുപോയത് സബിത്ത് ഒറ്റയ്ക്കാണെന്നാണ് അന്വേഷണ സംഘത്തിന്റെ കണ്ടെത്തല്. കേസില് നിര്ണായക സിസിടിവി ദൃശ്യങ്ങളും സാക്ഷിമൊഴികളും ലഭിച്ചതായി പൊലിസ് അറിയിച്ചു. പ്രതി കുറ്റസമ്മതം നടത്തിയിട്ടുണ്ട്.
Deepika
E-paper LOGIN
LOGIN
