തൃശൂർ: ദേശീയപാത ഉദ്ഘാടനച്ചടങ്ങിൽ പാലിക്കേണ്ട മാനദണ്ഡങ്ങൾ കൃത്യമായി പാലിച്ചിട്ടുണ്ടെന്നും ആരെയൊക്കെ ക്ഷണിക്കണമെന്ന കാര്യം സർക്കാർ മുൻകൂട്ടി കേന്ദ്രത്തെ അറിയിക്കണമായിരുന്നുവെന്നും സുരേഷ് ഗോപി.
“കേന്ദ്രമന്ത്രിയായ എന്നോടും സുരക്ഷാപരിശോധനയുടെ ഭാഗമായി ആധാർ കാർഡ് ചോദിച്ചിട്ടുണ്ട്. ദേഹപരിശോധനയും നടത്തിയിട്ടുണ്ട്. കേന്ദ്ര ഫണ്ട് ഉപയോഗിച്ച് മണ്ഡലത്തിൽ നടത്തുന്ന പദ്ധതികളുടെ ഉദ്ഘാടനം എന്നെപ്പോലും അറിയിക്കാറില്ല.
നിലവിലെ വിവാദങ്ങൾ രാഷ്ട്രീയപ്രേരിതമാണ്. തെരഞ്ഞെടുപ്പ് മുന്നിൽക്കണ്ടുള്ള പ്രചാരണംമാത്രമാണ് സിപിഎം നടത്തുന്നത്- മന്ത്രി പ്രതികരിച്ചു.