പാലക്കാട്: കേന്ദ്രസർക്കാരിന്റെ ഓപ്പറേഷൻ നശാമുക്ത് ഭാരത് അഭിയാന്റെയും സംസ്ഥാന സർക്കാരിന്റെ ഓപ്പറേഷൻ തണ്ടറിന്റെയും ഭാഗമായി ആർപിഎഫ് ക്രൈം വിംഗ് പാലക്കാട്, എക്സൈസ് എൻഫോഴ്സ്മെന്റ് ആൻഡ് ആന്റി നർക്കോട്ടിക് സ്പെഷൽ സ്ക്വാഡ് എന്നിവയുടെ സംയുക്തസംഘം നടത്തിയ പരിശോധനയിൽ പാലക്കാട് റെയിൽവേ സ്റ്റേഷനിൽനിന്ന് 50 ഗ്രാം മെത്തഫെറ്റമിൻ പിടികൂടി.
സംഭവവുമായി ബന്ധപ്പെട്ട് ആലുവ സ്വദേശി മുഹമ്മദ് അർഷാദ് (20) അറസ്റ്റിലായി. പിടികൂടിയ രാസലഹരിക്ക് ഏകദേശം അഞ്ചു ലക്ഷം രൂപ വിലവരും.
ആർപിഎഫ് ക്രൈം വിംഗ് എസ്ഐ എ.പി. ദീപക്, എക്സൈസ് സ്ക്വാഡ് പാലക്കാട് ഇൻസ്പെക്ടർ അജു പി. ഷാജി, ആർപിഎഫ് ക്രൈംവിംഗ് എഎസ്ഐ കെ.എം. ഷിജു, ആർപിഎഫ് ക്രൈംവിംഗ് ഹെഡ് കോണ്സ്റ്റബിൾ വി.വി. ശ്രീകാന്ത്, കോണ്സ്റ്റബിൾമാരായ എം. പ്രസാദ്, എൻ. ശ്രീജിത്ത് എന്നിവർ അടങ്ങിയ സംഘമാണു പരിശോധന നടത്തിയത്. സംഭവത്തിൽ പാലക്കാട് എക്സൈസ് എൻഫോഴ്സ്മെന്റ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
Deepika
E-paper LOGIN
LOGIN
