ചെന്നൈ: ഡിഎംകെയുടെ ഭീഷണി കാരണമാണു രജനീകാന്ത് രാഷ്ട്രീയപ്രവേശനം ഉപേക്ഷിച്ചതെന്ന് തമിഴ് വെട്രി കഴകം നേതാവ് ആധവ് അർജുനയുടെ പരാമർശത്തോടു പ്രതികരിച്ച് തമിഴ് സൂപ്പർതാരം രജനീകാന്ത്.
കാലം സംസാരിക്കില്ലെന്നും എന്നാൽ കാത്തിരുന്ന് മറുപടി നൽകുമെന്നുമായിരുന്നു രജനികാന്തിന്റെ പ്രതികരണം. തന്നെ പിന്തുണച്ചെത്തിയ രാഷ്ട്രീയ നേതാക്കൾക്ക് എക്സിലൂടെ രജനീകാന്ത് നന്ദിയും രേഖപ്പെടുത്തി.
എംജിആറിനു ശേഷം തമിഴ്നാട്ടിൽ ഏറെ ജനപ്രീതിയുള്ള നടനാണ് രജനീകാന്ത്. രാഷ്ട്രീയപ്രവേശനം അദ്ദേഹം ആഗ്രഹിച്ചിരുന്നു.
എന്നാൽ, ഡിഎംകെ കുടുംബത്തിന്റെ നിരന്തര ഭീഷണിയെത്തുടർന്നാണ് രജനീകാന്ത് രാഷ്ട്രീയപ്രവേശനം ഉപേക്ഷിച്ചതെന്നായിരുന്നു ടിവികെയുടെ തെരഞ്ഞെടുപ്പ് ചുമതലയുള്ള ജനറൽ സെക്രട്ടറി ആധവ് അർജുനയുടെ പരമാർശം.
ആധവിനന്റെ പരാമർശത്തിനെതിരേ രജനികാന്തിന്റെ ആരാധകരും നിരവധി രാഷ്ട്രീയ നേതാക്കളും രംഗത്തെത്തിയിരുന്നു.