ചെന്നൈ: തമിഴ്നാട്ടിൽ ടിവികെ ടിക്കറ്റിൽ വിജയിച്ചവരിൽ എട്ടു മാസം ഗർഭിണിയായ വീട്ടമ്മയും. ചെന്നൈയിലെ തിരു വി കാ നഗർ മണ്ഡലത്തിൽ പല്ലവി (36) എന്ന വീട്ടമ്മയാണു കന്നിയങ്കത്തിൽ വിജയിച്ചത്.
പന്ത്രണ്ടാം ക്ലാസ് വരെ പഠിച്ചിച്ചുള്ള പല്ലവി 22,333 വോട്ടിനാണ് ഡിഎംകെ സ്ഥാനാർഥി കെ.എസ്. രവിചന്ദ്രനെ പരാജയപ്പെടുത്തിയത്.
പൂർണ ഗർഭിണിയായിരിക്കേ വീടുവീടാന്തരം കയറി പല്ലവി പ്രചാരണം നടത്തിയതു ശ്രദ്ധേയമായിരുന്നു. ഒരിക്കൽ കുഴഞ്ഞുവീണ സംഭവമുണ്ടായെങ്കിലും പല്ലവി പ്രചാരണം തുടർന്നു.
ഡോക്ടർമാർ വിശ്രമത്തിനു നിർദേശിച്ചിരിക്കുന്നതിനാൽ വിജയത്തിനുശേഷം മാധ്യമപ്രവർത്തകരോടു സംസാരിക്കാൻ പല്ലവിക്കു കഴിഞ്ഞിട്ടില്ല. വിജയിന്റെ കടുത്ത ആരാധികയാണു പല്ലവി. ടിവികെ രൂപവത്കരിച്ച ഉടൻ അംഗത്വമെടുത്തു.