കോട്ടയം: അന്തരിച്ച കോട്ടയം തഹസില്ദാര് എസ്.എന്. അനില് കുമാറിന് നഗരം വിടചൊല്ലി. ജനപ്രതിനിധികളും സഹപ്രവര്ത്തകരും സുഹൃത്തുക്കളും ഉള്പ്പെടെ വന് ജനാവലിയാണ് അദ്ദേഹത്തിന് അന്ത്യാഞ്ജലിയര്പ്പിക്കാനെത്തിയത്.
ഭൗതികദേഹം ഇന്നലെ രാവിലെ കളക്ടറേറ്റില് പൊതുദര്ശനത്തിനെത്തിച്ചപ്പോള് മന്ത്രി വി.എന്. വാസവന്, ചാണ്ടി ഉമ്മന് എംഎല്എ, ജില്ലാ കളക്ടര് ചേതന്കുമാര് മീണ, ജില്ലാ പഞ്ചായത്തംഗം ജോസ്മോന് മുണ്ടയ്ക്കല് എന്നിവര് പുഷ്പചക്രമര്പ്പിച്ചു. സഹപ്രവര്ത്തകരും കളക്ടറേറ്റിലെ ജീവനക്കാരും അന്ത്യാഞ്ജലിയേകി.
താലൂക്ക് ഓഫീസ് പ്രവര്ത്തിക്കുന്ന കോട്ടയം മിനി സിവില് സ്റ്റേഷനിലാണ് ഭൗതികദേഹം ആദ്യം പൊതുദര്ശനത്തിന് വച്ചത്.
തിരുവഞ്ചൂര് രാധാകൃഷ്ണന് എംഎല്എ, നഗരസഭാ ചെയര്മാന് എം.പി. സന്തോഷ്കുമാര്, കെ. സുരേഷ്കുറുപ്പ് തുടങ്ങിയവര് അവിടെ അന്തിമോപചാരമര്പ്പിച്ചു. തുടർന്ന് നീണ്ടൂരിലെ വസതിയില് പൊതുദര്ശനത്തിനുശേഷം വൈകുന്നേരം സംസ്കാരം നടത്തി.
Deepika
E-paper LOGIN
LOGIN
