തിരുവനന്തപുരം: രാജ്യത്ത് ആദ്യമായി ആരോഗ്യവും ദീര്‍ഘായുസും ഒന്നിച്ച് ഉറപ്പാക്കുന്ന സമഗ്ര ആരോഗ്യ മാതൃക വികസിപ്പിക്കാന്‍ ഉന്നതതല ടാസ്‌ക് ഫോഴ്സ് രൂപീകരിച്ച് സംസ്ഥാന സര്‍ക്കാര്‍. രോഗങ്ങള്‍ തടയുന്നതിനും തുടക്കത്തില്‍ തന്നെ കണ്ടെത്തുന്നതിനും മികച്ച ചികിത്സ ഉറപ്പാക്കി ആരോഗ്യകരമായ വാര്‍ധക്യത്തിനുമായാണ് സമഗ്ര പദ്ധതി നടപ്പാക്കുന്നത്.
മുഖ്യമന്ത്രി ചെയര്‍മാനും ആരോഗ്യ മന്ത്രി വൈസ് ചെയര്‍മാനുമായ 'കേരള ഹോളിസ്റ്റിക് മോഡല്‍ ഫോര്‍ ഹെല്‍ത്ത്, വെല്‍നെസ് ആന്‍ഡ് ലോംഗ്ജിവിറ്റി ടാസ്‌ക് ഫോഴ്സിൽ' ആരോഗ്യ രംഗത്തെ വിദഗ്ധര്‍ അംഗങ്ങളാണ്. ടാസ്‌ക് ഫോഴ്സ് ആദ്യ യോഗം ചേര്‍ന്ന് രണ്ട് മാസത്തിനകം സര്‍ക്കാരിന് റിപ്പോര്‍ട്ട് സമര്‍പ്പിക്കും.
രോഗങ്ങള്‍, വര്‍ധിച്ചുവരുന്ന പ്രായം, ആരോഗ്യ മേഖലയിലെ സൗകര്യങ്ങള്‍ എന്നിവയെല്ലാം സമിതി പരിശോധിക്കും. രോഗങ്ങള്‍ തടയാനും കൃത്യസമയത്ത് പരിശോധനകള്‍ നടത്താനുമുള്ള സംവിധാനങ്ങള്‍ സമിതി തയാറാക്കും. ആരോഗ്യ വിവരങ്ങള്‍ സുരക്ഷിതമായി ഒരുകുടക്കീഴില്‍ കൊണ്ടുവരാന്‍ ഡിജിറ്റല്‍ സംവിധാനവും ഇതിന്‍റെ ഭാഗമായി വരും.
സംസ്ഥാനത്ത് പ്രായമായവരുടെ എണ്ണം വര്‍ധിച്ചു വരുന്ന സാഹചര്യം മുന്‍നിര്‍ത്തി മുതിര്‍ന്ന പൗരന്മാര്‍ക്ക് പ്രത്യേക വകുപ്പ് രൂപീകരിച്ചതിന്‍റെ തുടര്‍ച്ചായാണ് ആരോഗ്യ ടാസ്‌ക് ഫോഴ്സ് രൂപീകരിച്ചതെന്ന് മുഖ്യമന്ത്രി വി.ഡി. സതീശന്‍ പറഞ്ഞു.
Deepika
Corehub Solutions
E-paper LOGIN
LOGIN
