തൃശൂർ: കാറ്റിലും മഴയിലും അക്വാട്ടിക്സ് കോംപ്ലക്സിലെ താത്കാലിക മേൽക്കൂര തകർന്ന് മത്സരാർഥികൾക്കു പരിക്കേറ്റ സംഭവത്തിൽ വിദ്യാഭ്യാസ വകുപ്പിലെ ഉദ്യോഗസ്ഥരെ പഴിച്ച് കായികമന്ത്രി ഒ.ജെ. ജനീഷ്.
അപകടമുണ്ടായി അഞ്ചാംദിവസം വേദി സന്ദർശിച്ചു പ്രതികരിക്കുകയായിരുന്നു അദ്ദേഹം. നിർമാണത്തിൽ വീഴ്ചയുണ്ടായി. കാറ്റിലും മഴയിലും തകരേണ്ട പന്തലല്ല നിർമിക്കേണ്ടത്.
ഗെയിമിനങ്ങൾ പ്രധാന മേളയ്ക്കുമുന്പുതന്നെ സംഘടിപ്പിക്കുന്നതിന്‍റെ ഭാഗമായാണു നീന്തൽ, ബോക്സിംഗ്, ഫുട്ബോൾ, ഭാരോദ്വഹനം അടക്കമുള്ളവ തൃശൂരിൽ സംഘടിപ്പിച്ചത്. എന്നാൽ, ഉദ്യോഗസ്ഥ തലത്തിൽ മാത്രമാണു സംഘാടകസമിതി യോഗം ചേർന്നത്.
കഴിഞ്ഞ വർഷമൊഴിച്ചാൽ, ഈ രീതിയിലായിരുന്നു മത്സരങ്ങൾ. വിദ്യാഭ്യാസ വകുപ്പിലെ കായിക വിഭാഗവുമായി ബന്ധപ്പെട്ട ഉദ്യോഗസ്ഥരാണ് ഏകോപനച്ചുമതല ഏറ്റെടുത്തത്.
സംഘാടക സമിതി രൂപവത്കരിച്ചപ്പോൾ ചെയർമാനാകേണ്ടിയിരുന്ന എംഎൽഎയെ പോലും വിവരം അറിയിച്ചിരുന്നില്ലെന്നും മന്ത്രി പറഞ്ഞു.
Deepika
E-paper LOGIN
LOGIN
