ന്യൂഡല്ഹി: നീറ്റ് പരീക്ഷാ പേപ്പര് ചോര്ച്ചയുടെ പേരില് യുദ്ധക്കളമായ ഡല്ഹിയിലേക്കുള്ള മൂന്നാം കര്ഷക മാര്ച്ച് ഹരിയാന അതിര്ത്തിയായ ശംഭുവില് ഇന്നലെ തടഞ്ഞതോടെ അതിര്ത്തി പ്രദേശത്തും സംഘര്ഷവും ഗതാഗത സ്തംഭനവുമുണ്ടായി.
ജന്തര് മന്തറില് പൊളിച്ചു മാറ്റിയ സമരവേദി കോക്രോച്ച് ജനതാ പാര്ട്ടിയുടെ ആഭിമുഖ്യത്തില് വീണ്ടും നിര്മിച്ചു തുടരുന്ന സമരത്തിലേക്ക് ഇന്നലെയും ആയിരക്കണക്കിനു വിദ്യാര്ഥികളെത്തിയതും പോലീസിന്റെ കണക്കുകൂട്ടലുകള് തെറ്റിച്ചു.
നരേന്ദ്ര മോദി സര്ക്കാരിനെ അപ്രതീക്ഷിത പ്രതിസന്ധിയിലാക്കിയ വന് സമരപരമ്പരയാണു ദേശീയ തലസ്ഥാനം ദര്ശിച്ചത്. മുന്കൂട്ടി കാണാനോ, വേണ്ട മുന്കരുതലെടുക്കാനോ കഴിയാതെ വന് പ്രക്ഷോഭം തുടര്ച്ചയായുണ്ടായതോടെ ഡല്ഹിയുടെ ക്രമസമാധാന ചുമതലയുള്ള കേന്ദ്രസര്ക്കാര് ത്രിശങ്കുവിലായി.
ഇന്ത്യ- അമേരിക്ക വ്യാപാരക്കരാറിനെതിരേ കര്ഷകര് സംഘടിപ്പിച്ച കിസാന് മഹാപഞ്ചായത്തില് പങ്കെടുക്കാനായി ഡല്ഹിയിലേക്കു മാര്ച്ച് ആരംഭിച്ച പഞ്ചാബില് നിന്നുള്ള നൂറുകണക്കിനു കര്ഷകരെയാണു ഇന്നലെ ഡല്ഹി അതിര്ത്തിയില് വന് കോട്ട കെട്ടി പോലീസ് തടഞ്ഞത്.
ദേശ് ബച്ചാവോ മോര്ച്ചയുടെ നേതൃത്വത്തിലാണു കര്ഷകരുടെ മഹാപഞ്ചായത്ത് വിളിച്ചത്.
Deepika
E-paper LOGIN
LOGIN
