തൊടുപുഴ: പോലീസിന്റെ ലഹരിവിരുദ്ധ പദ്ധതിയായ ഓപ്പറേഷന് തൂഫാന് ദി നാര്ക്കോ ഹണ്ട് പദ്ധതിയുടെ ഭാഗമായി ജില്ലയില് വിവിധ വിദ്യാലയങ്ങളില് ലഹരിവിരുദ്ധ ബോധവത്ക്കരണ പരിപാടികള് സംഘടിപ്പിച്ചു. കരിങ്കുന്നം പോലീസ് സ്റ്റേഷന്റെ നേതൃത്വത്തില് നെടിയകാട് ലിറ്റില് ഫ്ളവര് യുപി സ്കൂളില് 2026ലെ ഫിഫ വേള്ഡ് കപ്പിനോടനുബന്ധിച്ച് വണ് മില്ല്യണ് തൂഫാന് ഗോള്സ് എന്ന പേരില് ലഹരിവിരുദ്ധ കാമ്പയിന് നടത്തി. തൊടുപുഴ: പോലീസിന്റെ ലഹരിവിരുദ്ധ പദ്ധതിയായ ഓപ്പറേഷന് തൂഫാന് ദി നാര്ക്കോ ഹണ്ട് പദ്ധതിയുടെ ഭാഗമായി ജില്ലയില് വിവിധ വിദ്യാലയങ്ങളില് ലഹരിവിരുദ്ധ ബോധവത്ക്കരണ പരിപാടികള് സംഘടിപ്പിച്ചു.
കരിങ്കുന്നം പോലീസ് സ്റ്റേഷന്റെ നേതൃത്വത്തില് നെടിയകാട് ലിറ്റില് ഫ്ളവര് യുപി സ്കൂളില് 2026ലെ ഫിഫ വേള്ഡ് കപ്പിനോടനുബന്ധിച്ച് വണ് മില്ല്യണ് തൂഫാന് ഗോള്സ് എന്ന പേരില് ലഹരിവിരുദ്ധ കാമ്പയിന് നടത്തി. കരിങ്കുന്നം പോലീസ് സബ് ഇന്സ്പെക്ടര് സ്റ്റാന്ലി തോമസ് ഉദ്ഘാടനം ചെയ്തു. സ്കൂള് മാനേജര് ഫാ. ജെയ്സണ് നിരവത്ത്, അസി. വികാരി ഫാ. ഡെല്ഫിന് കുരിക്കാട്ടില്, സിസ്റ്റര് മിനിറ്റ പി. കാവാട്ട്, മുന് സന്തോഷ് ട്രോഫി താരവും സ്കൂളിലെ പൂര്വവിദ്യാര്ഥിയുമായ ഷിനു, പിടിഎ പ്രസിഡന്റ് സ്മിനു പുളിക്കന് എന്നിവര് പ്രസംഗിച്ചു.
സബ് ഇന്സ്പെക്ടര് എം. ബിനു ലഹരിവിരുദ്ധ ബോധവത്കരണ ക്ലാസ് നയിച്ചു.വണ്ടന്മേട് പോലീസ് സ്റ്റേഷനും അണക്കര ഗവ. ഹൈസ്കൂളും സംയുക്തമായി ലഹരിവിരുദ്ധ റാലിയും സിഗ്നേച്ചര് കാമ്പയിനും സംഘടിപ്പിച്ചു. സബ് ഇന്സ്പെക്ടര് ബിനോയ് ഏബ്രഹാം ലഹരിവിരുദ്ധ സന്ദേശം നല്കി. കുഴിത്തൊളു ദീപ ഹൈസ്കൂളില് നടന്ന പിടിഎ യോഗത്തോടനുബന്ധിച്ച് ഇടുക്കി ജില്ലാ സ്റ്റുഡന്റ്സ് പോലീസ് പ്രോജക്ട് മോട്ടിവേഷന് സെല്ലിലെ സബ് ഇന്സ്പെക്ടര് അജി അരവിന്ദിന്റെ നേതൃത്വത്തില് ലഹരിവിരുദ്ധ ക്ലാസ് സംഘടിപ്പിച്ചു.ജില്ലാ പോലീസ് മേധാവിയുടെ നിര്ദേശപ്രകാരം ജില്ലയിലെ വിദ്യാലയങ്ങളില് ലഹരിവിരുദ്ധ ബോധവത്കരണ ക്ലാസുകള് നടത്തിവരികയാണ്. ഇത്തരം ക്ലാസുകള്ക്കായി ജില്ലാ അസിസ്റ്റന്റ് നോഡല് ഓഫീസറെ ബന്ധപ്പെടണം. ഫോണ്. 9497912649.
E-paper LOGIN
LOGIN
