തിരുവനന്തപുരം: സംസ്ഥാനത്ത് ശക്തമായ മഴയ്ക്കുള്ള മുന്നറിയിപ്പു തുടരുന്ന സാഹചര്യത്തില് വിനോദസഞ്ചാര വകുപ്പിനും ജില്ലാ ടൂറിസം പ്രമോഷന് കൗണ്സിലുകള്ക്കും സംസ്ഥാന ദുരന്ത നിവാരണ അഥോറിറ്റി പ്രത്യേക ജാഗ്രതാ നിര്ദേശം നല്കി.
ഓറഞ്ച് അലേര്ട്ട് പ്രഖ്യാപിച്ച ജില്ലകളിലെ വെള്ളച്ചാട്ടങ്ങള്, ജലാശയങ്ങളുമായി ബന്ധപ്പെട്ട മറ്റ് വിനോദസഞ്ചാര കേന്ദ്രങ്ങള് എന്നിവിടങ്ങളില് നിയന്ത്രണം ഏര്പ്പെടുത്തി.
മണ്ണിടിച്ചില്, ഉരുള്പൊട്ടല് സാധ്യതയുള്ള മലയോര വിനോദസഞ്ചാര മേഖലകളിലും മഴ അവസാനിക്കുന്നതുവരെ നിയന്ത്രണം തുടരും. ഇതര സംസ്ഥാനങ്ങളിലും വിദേശരാജ്യങ്ങളിലും നിന്നെത്തിയ വിനോദസഞ്ചാരികള്ക്ക് മഴ മുന്നറിയിപ്പും സുരക്ഷാ നിര്ദേശങ്ങളും നല്കണം.
അപകടത്തില്പ്പെടുകയോ ഒറ്റപ്പെടുകയോ ചെയ്താല് ബന്ധപ്പെടേണ്ട അടിയന്തര ഫോണ് നമ്പറുകള് വ്യാപകമായി പ്രചരിപ്പിക്കണം. മുന്നറിയിപ്പ് അവസാനിക്കുന്നതുവരെ 24 മണിക്കൂറും പ്രവര്ത്തിക്കുന്ന കണ്ട്രോള് റൂമുകള് സജ്ജമാക്കണം.
Deepika
E-paper LOGIN
LOGIN
