ബെയ്റൂട്ട്: ലബനനിലെ രണ്ടാമത്തെ വലിയ നഗരമായ ട്രിപ്പോളിയിൽ അടുത്തടുത്തുള്ള രണ്ട് പാർപ്പിടസമുച്ചയങ്ങൾ ഇടിഞ്ഞുവീണ് 14 പേർ മരിച്ചു.
അവശിഷ്ടങ്ങളിൽനിന്ന് എട്ടു പേരെ രക്ഷപ്പെടുത്തി. അപകടസമയത്ത് 22 പേരാണ് കെട്ടിടങ്ങളിലുണ്ടായിരുന്നതെന്ന് അധികൃതർ പ റഞ്ഞു.
ട്രിപ്പോളി നഗരത്തിൽ അടുത്തകാലത്തുണ്ടാകുന്ന അഞ്ചാമത്തെ കെട്ടിടദുരന്തമാണിത്. സാന്പത്തിക പ്രതിസന്ധി മൂലം ലബനനിലെ കാലപ്പഴക്കം ചെന്ന കെട്ടിടങ്ങളിൽ അറ്റകുറ്റപ്പണി നടക്കാറില്ല.