കാര്യവട്ടം: കൊച്ചി മുന്നോട്ടുവച്ച വന്പൻ ലക്ഷ്യം ഗോവിന്ദ് ദേവ് പൈയുടെ തകർപ്പൻ ബാറ്റിംഗ് മികവിൽ അനായാസം മറികടന്ന് ട്രിവാൻഡ്രം റോയൽസിന് രാജകീയ ജയം. ജയത്തോടെ കേരള ക്രിക്കറ്റ് ലീഗ് പോയിന്റ് പട്ടികയിൽ റോയൽസ് ഒന്നാമതെത്തി. കൊച്ചി മുന്നോട്ടുവച്ച 197 റണ്സ് വിജയലക്ഷ്യം ട്രിവാൻഡ്രം 18.2 ഓവറിൽ മറികടന്നു. സ്കോർ: കൊച്ചി ബ്ല്യൂടൈഗേഴ്സ്- 20 ഓവറിൽ 196/7. ട്രിവാൻഡ്രം റോയൽസ്- 18.2 ഓവറിൽ 197/2.
കൊച്ചി പടുത്തുയർത്തിയ 197 റണ്സിന്റെ കൂറ്റൻ ലക്ഷ്യം പത്ത് പന്തുകൾ ബാക്കിനിൽക്കേയാണ് ട്രിവാൻഡ്രം മറികടന്നത്. സെഞ്ചുറി കുതിപ്പു നടത്തിയ ഗോവിന്ദ് പൈയുടെ യും ക്യാപ്റ്റൻ കൃഷ്ണപ്രസാദിന്റെ അർധസെഞ്ചുറിയുടെയും റിക്കാർഡ് കൂട്ടുകെട്ടാണ് ടീമിന് അനായാസ ജയം ഒരുക്കിയത്.
മറുപടി ബാറ്റിംഗിനിറങ്ങിയ ട്രിവാൻഡ്രത്തിനു 12 റണ്സെടുക്കുന്നതിനിടെ രണ്ടു വിക്കറ്റുകൾ നഷ്ടമായി. രണ്ടു റണ്സെടുത്ത അഭിഷേക് ജെ. നായരും നാലു റണ്സെടുത്ത സുധീഷ് മോഹനനുമാണ് വേഗം മടങ്ങിയത്. പിന്നാലെ ഒത്തുചേർന്ന ക്യാപ്റ്റൻ കൃഷ്ണപ്രസാദ് - ഗോവിന്ദ് ദേവ്
പൈ സഖ്യം കൊച്ചിയുടെ ബൗളർമാരെ തലങ്ങും വിലങ്ങും പായിച്ചു.10 ഓവർ പിന്നിട്ടപ്പോൾ ട്രിവാൻഡ്രം സ്കോർ 100 കടന്നു. തുടർന്ന് ട്രിവാൻഡ്രത്തിന്റെ സ്കോർ അതിവേഗം ഉയർന്നു. കെസിഎൽ സീസണ് മൂന്നിലെ ഏറ്റവും വലിയ കൂട്ടുകെട്ടാണ് കൃഷ്ണപ്രസാദ്-ഗോവിന്ദ് സഖ്യം സ്വന്തമാക്കിയത്. 185 റണ്സ് കൂട്ടുകെട്ടാണ് ഇരുവരും ചേർന്നു കാര്യവട്ടത്ത് പടുത്തുയർത്തിയത്.
Deepika
E-paper LOGIN
LOGIN
