എടക്കര: ഗതാഗതരംഗത്ത് വികസന കുതിപ്പായി മലയോര ഹൈവേയുടെ രണ്ട് റീച്ചുകൾ മന്ത്രി പി.എ. മുഹമ്മദ് റിയാസ് നാടിന് സമർപ്പിച്ചു. ചാത്തമുണ്ട മുതൽ മുണ്ടേരി സീഡ് ഫാം വരെയുള്ള പാതയുടെയും പൂക്കോട്ടുംപാടം മുതൽ മൈലാടി പാലം വരെയുള്ള പാതയുടെയും ഉദ്ഘാടനമാണ് മന്ത്രി ഓണ്ലൈനായി നിർവഹിച്ചത്. ചാത്തമുണ്ട ജംഗ്്ഷനിൽ നടത്തിയ ചടങ്ങിൽ അധ്യക്ഷത വഹിച്ച ആര്യാടൻ ഷൗക്കത്ത് എംഎൽഎ ശിലാഫലകം അനാച്ഛാദനം ചെയ്തു.കിഫ്ബി ഫണ്ടിൽ കേരള റോഡ് ഫണ്ട് ബോർഡിന്റെ മേൽനോട്ടത്തിലായിരുന്നു നിർമാണം.
കേരള റോഡ് ഫണ്ട് ബോർഡ് നോർത്ത് സർക്കിൾ ടീം ലീഡർ ഇ.ജി. വിശ്വപ്രകാശ്, പോത്തുകൽ ഗ്രാമപഞ്ചായത്ത് പ്രസിഡന്റ് എം.എ. ജോസ്, വൈസ് പ്രസിഡന്റ് കെ. സറഫുന്നീസ, പഞ്ചായത്തംഗം ഇ. റസിയ, ജോണ് മത്തായി, മുസ്തഫ പാക്കട, ഉബൈദ് കാക്കീരി, എം.എ. തോമസ്, പ്രോജക്ട് ഡയറക്ടർ എം. അശോക് കുമാർ എന്നിവർ പ്രസംഗിച്ചു.