മാഡ്രിഡ്/മിലാന്: യുവേഫ ചാമ്പ്യന്‍സ് ലീഗില്‍ ഇംഗ്ലീഷ് ഗ്ലാമര്‍ ടീമായ മാഞ്ചസ്റ്റര്‍ യുണൈറ്റഡും ഇറ്റാലിയന്‍ കരുത്തരായ ഇന്‍റര്‍ മിലാനും ഞെട്ടറ്റു. അതേസമയം, ജര്‍മന്‍ ശക്തികളായ എഫ്‌സി ബയേണ്‍ മ്യൂണിക്ക് ഞെട്ടിയെങ്കിലും സമനിലയോടെ രക്ഷപ്പെട്ടു.
സ്പാനിഷ് ക്ലബ്ബായ അത്‌ലറ്റിക്കോ മാഡ്രിഡിനു മുന്നിലാണ് 2-0നു മാഞ്ചസ്റ്റര്‍ യുണൈറ്റഡ് വീണത്. മത്സരത്തിന്‍റെ 49-ാം സെക്കന്‍ഡില്‍ അത്‌ലറ്റിക്കോ മാഡ്രിഡ് ലീഡ് നേടി. പാബ്ലൊ ബാരിയോസിന്‍റെ വകയായിരുന്നു ഗോള്‍. അത്‌ലറ്റിക്കോ മാഡ്രിഡിന്‍റെ ചരിത്രത്തിലെ ഏറ്റവും വേഗമേറിയ ഗോളാണിത്.
ബ്രൂഗയുടെ ചരിത്രം
ബെല്‍ജിയന്‍ ക്ലബ്ബായ, ക്ലബ് ബ്രൂഗയാണ് ഇന്‍റര്‍ മിലാനെ ഞെട്ടിച്ചത്. ഇന്‍റര്‍ മിലാന് എതിരേ ബെല്‍ജിയന്‍ ക്ലബ്ബിന്‍റെ ആദ്യജയം. ഇന്‍ററിന്‍റെ ഹോം ഗ്രൗണ്ടായ സാന്‍സിറൊയില്‍ അരങ്ങേറിയ, ഏഴു ഗോള്‍ ത്രില്ലറില്‍ 4-3നു ബ്രൂഗ ജയമാഘോഷിച്ചു. ഒരു ഇറ്റാലിയന്‍ ക്ലബ്ബിനെതിരേ ബെല്‍ജിയന്‍ ക്ലബ്ബ് ആദ്യമായാണ് യൂറോപ്യന്‍ പോരാട്ടത്തില്‍ നാലു ഗോള്‍ നേടുന്നത്.
ഇറ്റലിയിൽ ജനിച്ച, ജര്‍മന്‍ അണ്ടര്‍ 21 ടീമില്‍ കളിച്ച നിക്കോളോ ട്രെസോള്‍ഡിന്‍റെ ഹാട്രിക്കാണ് ക്ലബ് ബ്രൂഗയെ ചരിത്രജയത്തിലെത്തിച്ചതെന്നതാണ് വാസ്തവം.
മാസ് വൈക്കിംഗ്
ജര്‍മന്‍ വമ്പന്മാരായ എഫ്‌സി ബയേണ്‍ മ്യൂണിക്കിനെ 3-3ന്‍റെ സമനിലയില്‍ തളച്ച് നോര്‍വീജിയന്‍ ക്ലബ്ബായ വൈക്കിംഗ് എഫ്‌കെ യൂറോപ്പിനെ ഞെട്ടിച്ചു.
വൈക്കിംഗിന്‍റെ ചരിത്രത്തിലെ ഏറ്റവും ആവേശകരമായ മത്സരമായിരുന്നു. ആദ്യ പകുതിയില്‍തന്നെ വൈക്കിംഗ് 2-0ന്‍റെ ലീഡ് നേടി.
Deepika
Corehub Solutions
E-paper LOGIN
LOGIN