വാഷിംഗ്ടണ് ഡിസി: ആറ് ശതമാനത്തിന് മുകളിൽ സമ്പുഷ്ടീകരിച്ച 460 കിലോ യുറേനിയം കൈവശമുണ്ടെന്ന് വീമ്പുപറഞ്ഞതോടെയാണ് ഇറാനെ ആക്രമിച്ചതെന്ന് യുഎസ് സെനറ്റർ ലിൻഡ്സെ ഗ്രഹാം. എന്തുകൊണ്ട് ഇറാനെ ആക്രമിച്ചെന്ന ചോദ്യത്തിന് മറുപടിയായാണ് യുഎസ് സെനറ്ററിന്റെ പ്രതികരണം.
അമേരിക്കൻ സഹായത്തോടെയുള്ള സിവിലിയൻ ആണവ പദ്ധതി ഇറാന് വാഗ്ദാനം ചെയ്തിരുന്നു. എന്നാൽ പദ്ധതിയോട് ഇറാൻ നോ പറയുകയാണുണ്ടായത്. മാത്രമല്ല ആണവായുധം നിർമിക്കാനുള്ള യുറേനിയം കൈവശമുണ്ടെന്ന് ഇറാൻ വീമ്പടിച്ചെന്നുമാണ് യുഎസ് സെനറ്റർ പറയുന്നത്. ഇറാനുമായുള്ള യുദ്ധത്തിനെതിരെ അമേരിക്കയിൽ അഭിപ്രായ വ്യത്യാസം ഉയരുന്നതിനിടെയാണ് ട്രംപിന്റെ വിശ്വസ്തനായ സെനറ്ററുടെ ന്യായീകരണം.