വാഷിംഗ്ടൺ ഡിസി: ഇറാനെതിരായ യുഎസ്-ഇസ്രേലി ആക്രമണം തുടങ്ങിയതുമുതൽ ഫ്ലോറിഡയിലെ തന്റെ ക്ലബായ മാർ ആ ലഗോയിലിരുന്ന് പ്രസിഡന്റ് ഡോണൾഡ് ട്രംപ് ദേശീയ സുരക്ഷാസംഘത്തിനൊപ്പം ഇത് തത്സമയം നിരീക്ഷിക്കുകയായിരുന്നു.
ഇതിനിടയിൽ ഇസ്രേലി പ്രധാനമന്ത്രി ബെഞ്ചമിൻ നെതന്യാഹുവിനെ ഫോണിൽ വിളിച്ചു സ്ഥിതിഗതികൾ വിലയിരുത്തുകയും ചെയ്തു.
പ്രസിഡന്റും അദ്ദേഹത്തിന്റെ ദേശീയ സുരക്ഷാസംഘവും പതിവായി സ്ഥിതിഗതികൾ വിലയിരുത്തുമെന്ന് വൈറ്റ് ഹൗസ് പ്രസ് സെക്രട്ടറി കരോളിൻ ലെവിറ്റ് അറിയിച്ചു.