ചങ്ങനാശേരി: പ്രകൃതിക്ഷോഭം മൂലം കൃഷിനാശം സംഭവിച്ച കര്ഷകര്ക്ക് നഷ്ടപരിഹാരത്തിനായി അപേക്ഷ സമര്പ്പിക്കേണ്ട എഐഎംഎസ് പുതിയ പോര്ട്ടല് കൃത്യമായി പ്രവര്ത്തിക്കാത്തത് കര്ഷകരെ കടുത്ത സമ്മര്ദത്തിലാക്കുന്നു.
പോര്ട്ടലിലെ സാങ്കേതിക തകരാര് കാരണം അപേക്ഷാ വിവരങ്ങള് അപ്ലോഡ് ചെയ്യാന് മണിക്കൂറുകളോളം ശ്രമിക്കേണ്ടിവരുന്നതും കൃഷിഭവനുകളിലും ഓണ്ലൈന് സേവന കേന്ദ്രങ്ങളിലും കയറിയിറങ്ങേണ്ടിവരുന്നതും കര്ഷകരുടെ സമയവും പണവും നഷ്ടപ്പെടുത്തുന്നു.
പ്രകൃതിക്ഷോഭ നഷ്ടപരിഹാരത്തിനും സംസ്ഥാനത്തിന്റെ കാലാവസ്ഥാധിഷ്ഠിത വിള ഇന്ഷുറന്സ് പദ്ധതികള്ക്കുമായി വര്ഷങ്ങളായി എഐഎംഎസ് പോര്ട്ടല്വഴി രജിസ്റ്റര് ചെയ്ത് അപേക്ഷകള് സമര്പ്പിച്ചിട്ടും പല കര്ഷകര്ക്കും ഇതുവരെ യാതൊരു ആനുകൂല്യവും ലഭിച്ചിട്ടില്ലെന്ന പരാതിയും ശക്തമാണ്.
അപേക്ഷയും രജിസ്ട്രേഷനും കൃത്യമായി നടത്താന് കര്ഷകരോട് ആവശ്യപ്പെടുന്ന സംവിധാനത്തില് അര്ഹരായ കര്ഷകര്ക്ക് ആനുകൂല്യം ലഭിക്കുന്നുവെന്ന് ഉറപ്പാക്കാനുള്ള ഉത്തരവാദിത്വവും ബന്ധപ്പെട്ട വകുപ്പുകള് ഏറ്റെടുക്കണമെന്ന് വോയ്സ് ഓഫ് ഗ്രേറ്റര് കുട്ടനാട് സംഘടന അഡ്മിന് സോണിച്ചന് പുളിങ്കുന്ന് പറഞ്ഞു.
Deepika
E-paper LOGIN
LOGIN
