24

തൊ​ടു​പു​ഴ: തി​രു​വോ​ണ​ത്തെ വ​ര​വേ​ല്‍​ക്കാ​ന്‍ നി​റ​ഞ്ഞ മ​ന​സോ​ടെ മ​ല​യാ​ളി​ക​ള്‍ ഒ​രു​ങ്ങി​യ​തോ​ടെ നാ​ടും ന​ഗ​ര​വും തി​ര​ക്കി​ല​മ​ര്‍​ന്നു. തി​രു​വോ​ണം കെ​ങ്കേ​മ​മാ​ക്കാ​നു​ള്ള അ​വ​ശ്യ​സാ​ധ​ന​ങ്ങ​ള്‍ വാ​ങ്ങാ​നു​ള്ള അ​വ​സാ​ന വ​ട്ട ഒ​രു​ക്ക​ത്തി​നാ​യി നാ​ളെ ജ​ന​ങ്ങ​ള്‍ കു​ടും​ബ​ത്തോ​ടെ പു​റ​ത്തി​റ​ങ്ങു​ന്ന​തോ​ടെ പ്ര​ധാ​ന ടൗ​ണു​ക​ള്‍ ഉ​ത്രാ​ട​പ്പാ​ച്ചി​ലി​ന്‍റെ ആ​വേ​ശ​ത്തി​ലാ​കും. മു​ന്‍​കൂ​ട്ടി എ​ന്തൊ​ക്കെ ക​രു​തി​യാ​ലും ഉ​ത്രാ​ട​ച്ച​ന്ത​യി​ല്‍ ക​യ​റി​യി​റ​ങ്ങാ​തെ തി​രു​വോ​ണ​ത്തി​നു​ള്ള ത​യാ​റെ​ടു​പ്പ് പൂ​ര്‍​ത്തി​യാ​കി​ല്ല. സ​ദ്യ​വ​ട്ടം ഒ​രു​ക്കാ​നും വി​ട്ടു​പോ​യ സാ​ധ​ന​ങ്ങ​ള്‍ വാ​ങ്ങാ​നു​മു​ള്ള നെ​ട്ടോ​ട്ടം കൂ​ടി​യാ​ണ് ഉ​ത്രാ​ട​പ്പാ​ച്ചി​ല്‍. ഓ​ണ​ക്കോ​ടി​യെ​ടു​ക്കാ​നും സ​ദ്യ​വ​ട്ട​ങ്ങ​ള്‍​ക്കു​ള്ള വി​ഭ​വ​ങ്ങ​ള്‍ വാ​ങ്ങാ​നും ഒ​ട്ടേ​റെ പേ​ര്‍ ഇ​ന്നും നാ​ളെ​യു​മാ​യി വ്യാ​പാ​ര സ്ഥാ​പ​ന​ങ്ങ​ളി​ലെ​ത്തും. എ​ന്നാ​ല്‍ കാ​ലാ​വ​സ്ഥാ വ​കു​പ്പ് മ​ഴ മു​ന്ന​റി​യി​പ്പു പ്ര​ഖ്യാ​പി​ച്ച​തോ​ടെ ഓ​ണ വി​പ​ണി​യി​ല്‍ ആ​ശ​ങ്ക ഉ​യ​ര്‍​ന്നി​ട്ടു​ണ്ട്. ഇ​ന്നും നാ​ളെ​യും ജി​ല്ല​യി​ല്‍ ശ​ക്ത​മാ​യ മ​ഴ പെ​യ്യാ​നു​ള്ള സാ​ധ്യ​ത ക​ണ​ക്കി​ലെ​ടു​ത്ത് യെ​ല്ലോ അ​ല​ര്‍​ട്ട് പ്ര​ഖ്യാ​പി​ച്ചി​ട്ടു​ണ്ട്.

മ​ത്സ​ര​ങ്ങ​ളു​ടെ പൊ​ടി പൂ​രം

മു​ന്‍ വ​ര്‍​ഷ​ങ്ങ​ളെ അ​പേ​ക്ഷി​ച്ച് ആ​ഘോ​ഷ​ങ്ങ​ളു​ടെ പൊ​ടി​പൂ​ര​മാ​ണ് ന​ഗ​ര- ഗ്രാ​മ ഭേ​ദ​മി​ല്ലാ​തെ ആ​വേ​ശം​വി​ത​റി അ​ര​ങ്ങേ​റു​ന്ന​ത്. വി​ദ്യാ​ല​യ​ങ്ങ​ളി​ലെ ഓ​ണാ​ഘോ​ഷ​ങ്ങ​ള്‍ ക​ഴി​ഞ്ഞ ദി​വ​സ​ങ്ങ​ളി​ല്‍ ന​ട​ന്നി​രു​ന്നു. വി​വി​ധ ക്ല​ബു​ക​ളു​ടെ​യും റെ​സി​ഡ​ന്‍റ്സ് അ​സോ​സി​യേ​ഷ​നു​ക​ളു​ടെ​യും സം​ഘ​ട​ന​ക​ളു​ടെ​യും നേ​തൃ​ത്വ​ത്തി​ല്‍ മ​ത്സ​ര​ങ്ങ​ള്‍, ഓ​ണ​സ​ദ്യ, ക​ലാ​പ​രി​പാ​ടി​ക​ള്‍ തു​ട​ങ്ങി വി​പു​ല​മാ​യ ആ​ഘോ​ഷ പ​രി​പാ​ടി​ക​ളാ​ണ് ഇ​ന്നും നാ​ളെ​യു​മാ​യി സം​ഘ​ടി​പ്പി​ച്ചി​ട്ടു​ള്ള​ത്. ജി​ല്ലാ​ത​ല ഓ​ണം വാ​രാ​ഘോ​ഷ​ത്തി​നു ചെ​റു​തോ​ണി​യി​ല്‍ തു​ട​ക്ക​മാ​യി. ഓ​ണം റി​ലീ​സ് സി​നി​മ​ക​ള്‍ മി​ക​ച്ച അ​ഭി​പ്രാ​യം നേ​ടി​യ​തോ​ടെ തി​യ​റ്റ​റു​ക​ളി​ലേ​ക്കും പ്രേ​ക്ഷ​ക​രു​ടെ ഒ​ഴു​ക്കാ​യി. ഓ​ണാ​വ​ധി​യാ​യ​തോ​ടെ ജി​ല്ല​യി​ലെ വി​നോ​ദ​സ​ഞ്ചാ​ര മേ​ഖ​ല​യും ഏ​റെ പ്ര​തീ​ക്ഷ​യി​ലാ​ണ്.

എ​വി​ടെ​യും ഓ​ണ​ത്തി​ര​ക്ക്

വ​സ്ത്ര​വ്യാ​പാ​ര ശാ​ല​ക​ള്‍, ഗൃ​ഹോ​പ​ക​ര​ണ വി​പ​ണി, ചി​പ്‌​സ് ക​ട​ക​ള്‍, പൂ ​വി​പ​ണി, ഓ​ണം വി​പ​ണ​ന മേ​ള​ക​ള്‍, മാ​ര്‍​ക്ക​റ്റു​ക​ള്‍ തു​ട​ങ്ങി എ​ല്ലാ​യി​ട​ത്തും ഓ​ണ​ത്തി​ര​ക്കാ​ണ്. പ്ര​ധാ​ന ടൗ​ണു​ക​ളെ​ല്ലാം​ത​ന്നെ വാ​ഹ​ന​ത്തി​ര​ക്കി​ല്‍ വീ​ര്‍​പ്പു​മു​ട്ടു​ക​യാ​ണ്. തി​രു​വോ​ണ​ത്തി​ന് ര​ണ്ടു ദി​വ​സം മാ​ത്ര​മു​ള്ള​തി​നാ​ല്‍ വി​വി​ധ ഇ​ട​ങ്ങ​ളി​ല്‍​നി​ന്നു വീ​ട്ടി​ലെ​ത്താ​നു​ള്ള​വ​രു​ടെ തി​ര​ക്കും ബ​സ് സ്റ്റാ​ന്‍​ഡു​ക​ളി​ല്‍ അ​നു​ഭ​വ​പ്പെ​ട്ടു. കെ​എ​സ്ആ​ര്‍​ടി​സി ബ​സു​ക​ളി​ലെ​ല്ലാം​ത​ന്നെ യാ​ത്ര​ക്കാ​രു​ടെ വ​ലി​യ തി​ര​ക്കു​ണ്ട്. ഓ​ഫ​റു​ക​ളു​ടെ​യും സ​മ്മാ​ന​ങ്ങ​ളു​ടെ​യും പൂ​ര​മാ​ണ് വി​പ​ണി​യി​ല്‍. വ​സ്ത്ര​വ്യാ​പാ​ര ശാ​ല​ക​ളി​ൽ ഓ​ണ​ക്കോ​ടി വാ​ങ്ങാ​നെ​ത്തു​ന്ന​വ​രു​ടെ തി​ര​ക്ക് രാ​ത്രി വ​രെ തു​ട​രു​ന്നു​ണ്ട്. ഓ​ണ​ക്ക​ച്ച​വ​ടം പ്ര​തീ​ക്ഷി​ച്ച് പ​ല വ്യാ​പാ​ര സ്ഥാ​പ​ന​ങ്ങ​ളും കൂ​ടു​ത​ല്‍ സ​മ​യം തു​റ​ന്നു പ്ര​വ​ര്‍​ത്തി​ച്ചു. സ​പ്ലൈ​കോ ഓ​ണം ഫെ​യ​റു​ക​ള്‍, ക​ണ്‍​സ്യൂ​മ​ര്‍ ഫെ​ഡ് ഓ​ണം സ​ഹ​ക​ര​ണ വി​പ​ണി തു​ട​ങ്ങി ഓ​ണം വി​പ​ണ​ന മേ​ള​ക​ളി​ലെ​ല്ലാം തി​ര​ക്കി​നു കു​റ​വി​ല്ല.

ഇ​ന്നും നാ​ളെ​യും പ​ച്ച​ക്ക​റി വി​പ​ണി​യി​ല്‍ വ​ലി​യ തി​ര​ക്കാ​ണ് പ്ര​തീ​ക്ഷി​ക്കു​ന്ന​ത്. ഏ​താ​നും പ​ച്ച​ക്ക​റി ഉ​ത്പ​ന്ന​ങ്ങ​ള്‍​ക്ക് വി​ല ഉ​യ​ര്‍​ന്നി​രു​ക്കു​ന്ന​ത് വി​ല്‍​പ്പ​ന​യെ ബാ​ധി​ച്ചി​ട്ടു​ണ്ട്. ഏ​ത്ത​ക്കാ​യ്ക്കും ഞാ​ലി​പ്പൂ​വ​ന്‍ പ​ഴ​ത്തി​നും വി​ല​യേ​റി​യി​ട്ടു​ണ്ട്. ഞാ​ലി​പ്പൂ​വ​ന്‍ പ​ഴ​ത്തി​ന് വി​ല 100 ക​ട​ന്നു. ജി​ല്ല​യി​ല്‍ മി​ക്ക​യി​ട​ങ്ങ​ളി​ലും വ​ഴി​യോ​ര​ക്ക​ച്ച​വ​ടം ഉ​ള്‍​പ്പെ​ടെ പ​ച്ച​ക്ക​റി വി​ല്‍​പ്പ​ന ത​കൃ​തി​യാ​ണ്. ഓ​ണ​ത്തി​ന് പ​ച്ച​ക്ക​റി വി​ല നി​യ​ന്ത്രി​ക്കാ​നും ക​ര്‍​ഷ​ക​ര്‍​ക്ക് ന്യാ​യ​വി​ല ഉ​റ​പ്പാ​ക്കാ​നും ല​ക്ഷ്യ​മി​ട്ട് കൃ​ഷി​വ​കു​പ്പ്, കു​ടും​ബ​ശ്രീ എ​ന്നി​വ​യു​ടെ ഓ​ണ​ച്ച​ന്ത​ക​ള്‍ ജി​ല്ല​യി​ല്‍ പ്ര​വ​ര്‍​ത്തി​ക്കു​ന്നു​ണ്ട്.

ഓ​ണ​സ​ദ്യ, പാ​യ​സം

ഓ​ണ​സ​ദ്യ വീ​ട്ടി​ലൊ​രു​ക്കാ​ന്‍ സ​മ​യ​മി​ല്ലാ​ത്ത​വ​ര്‍​ക്ക് ഹോ​ട്ട​ലു​ക​ളും കേ​റ്റ​റിം​ഗ് സ​ര്‍​വീ​സു​ക​ളും ഓ​ണ​സ​ദ്യ ത​യാ​റാ​ക്കി ന​ല്‍​കു​ന്നു​ണ്ട്. തി​രു​വോ​ണ ദി​വ​സം വ​രെ സ​ദ്യ ല​ഭ്യ​മാ​കും. സ​ദ്യ​ക്കു​ള്ള ഇ​ല​യു​ള്‍​പ്പ​ടെ​യാ​ണ് ന​ല്‍​കു​ന്ന​ത്. പാ​യ​സ മേ​ള​ക​ളാ​ണ് വി​പ​ണി​യി​ലെ മ​റ്റൊ​രു ആ​ക​ര്‍​ഷ​ണം. പാ​ല​ട, അ​ട​പ്ര​ഥ​മ​ന്‍, പ​രി​പ്പ്, ഗോ​ത​മ്പ് പാ​യ​സം എ​ന്നി​വ​യാ​ണ് പ്ര​ധാ​ന ഇ​ന​ങ്ങ​ള്‍. ഓ​ണ സ​ദ്യ​യു​ടെ​യും പാ​യ​സ​ത്തി​ന്‍റെ​യും ബു​ക്കിം​ഗ് ത​കൃ​തി​യാ​യി ന​ട​ന്നു വ​രു​ന്നു. ചോ​റും ക​റി​ക​ളും പ്ര​ത്യേ​കം ബോ​ക്‌​സു​ക​ളി​ലാ​ക്കി​യാ​ണ് സ​ദ്യ ന​ല്‍​കു​ന്ന​ത്. എ​ത്ര പേ​ര്‍​ക്കു​ള്ള സ​ദ്യ​യും പാ​ഴ്‌​സ​ലാ​യി ല​ഭി​ക്കും. ന​ഗ​ര പ്ര​ദേ​ശ​ങ്ങ​ളി​ലാ​ണ് പാ​ഴ്‌​സ​ല്‍ ഓ​ണ​സ​ദ്യ​ക്ക് ആ​വ​ശ്യ​ക്കാ​ര്‍ കൂ​ടു​ത​ല്‍. ഉ​പ്പേ​രി, ശ​ര്‍​ക്ക​ര​വ​ര​ട്ടി എ​ന്നി​വ​യു​ടെ വി​ല്‍​പ്പ​ന​യും പൊ​ടി​പൊ​ടി​ക്കു​ക​യാ​ണ്.