പൂഞ്ഞാര്: അമ്മയും മകനും മരിക്കാനിടയായ പൂഞ്ഞാര് തെക്കേക്കര പയ്യാനിത്തോട്ടം വണ്ടന്പ്ലാവിലെ ഉരുള്പൊട്ടലില് വീടിനോടു ചേര്ന്ന് പിൻഭാഗത്തുള്ള വലിയ കുന്നാണ് ഇടിഞ്ഞിറങ്ങിയത്.
വെള്ളിയാഴ്ച രാത്രിയിലുണ്ടായ ശക്തമായ മഴയില് കുന്നിന്റെ മുകള്ഭാഗത്ത് ഉരുള്പൊട്ടലുണ്ടായി. കുതിച്ചെത്തിയ ഉരുളില് വീട് നിമിഷങ്ങള്ക്കുള്ളില് തകര്ന്നു. ശബ്ദം കേട്ട് സമീപവാസികള് എത്തിയെങ്കിലും ഇരുട്ടായതിനാല് ഒന്നും കാണാന് പറ്റിയില്ല. രാത്രിതന്നെ രക്ഷാസംഘങ്ങളും മണ്ണുമാന്തിയന്ത്രവും എത്തിച്ചു.
രാവിലെ ഏഴിനാണ് മണപ്പാട്ട് ജോസഫിന് ജോണിയുടെ മൃതദേഹം കണ്ടെത്തിയത്. പത്തു മീറ്റർ താഴെ, ചെളിക്കടിയില്നിന്ന് അമ്മ റെജീനയുടെ മൃതദേഹവും കണ്ടെടുത്തു.
പയ്യാനിത്തോട്ടം ഹോളി സ്പിരിറ്റ് പബ്ലിക് സ്കൂളിലെ താത്കാലിക ജീവനക്കാരിയാണ് റെജീന. ജോസഫിന് ഭരണങ്ങാനം ചൂണ്ടച്ചേരി എന്ജിനിയറിംഗ് കോളജിലെ താത്കാലിക ജീവനക്കാരനാണ്.
റെജീനയുടെ ഭര്ത്താവും ഓട്ടോ ഡ്രൈവറുമായ ജോണി ജോസ് വീട്ടിലുണ്ടായിരുന്നില്ല. മൂത്ത മകള് ജോമിറ്റ് വിവാഹിതയായി എറണാകുളത്താണ്. പഠനകാര്യങ്ങള്ക്കായി ഇളയമകള് സോമിറ്റ് സഹോദരിക്കൊപ്പമാണ് താമസം.
Deepika
E-paper LOGIN
LOGIN
