തൊടുപുഴ: ജില്ലയിലെ പ്രാണിജന്യ രോഗ നിയന്ത്രണങ്ങള്ക്ക് നേതൃത്വം നല്കുന്ന ജില്ലാ വെക്ടര് കണ്ട്രോള് യൂണിറ്റിന് വാഹനം നല്കുമെന്ന് ഗവ. ചീഫ് വിപ്പ് അപു ജോണ് ജോസഫ്. ജില്ലാ വെക്ടര് കണ്ട്രോള് യൂണിറ്റിന് വാഹനമില്ലാത്തതിനാല് പ്രതിരോധ പ്രവര്ത്തനങ്ങള്ക്ക് ഏറെ ബുദ്ധിമുട്ട് നേരിട്ടിരുന്നു.
വാഹനം ഇല്ലാത്തതിനാല് തൊടുപുഴ നഗര സഭയിലും സമീപ പഞ്ചായത്തുകളിലും പടര്ന്നുപിടിക്കുന്ന ഡെങ്കിപ്പനി ഉള്പ്പെടെയുള്ള രോഗങ്ങള് നിയന്ത്രിക്കാനായി ഇത്തരം സ്ഥലങ്ങളില് എത്തി പ്രതിരോധ പ്രവര്ത്തനങ്ങള് ഏറ്റെടുക്കാന് ജില്ലാ വെക്ടര് കണ്ട്രോള് ഉദ്യോഗസ്ഥര്ക്ക് കഴിയുന്നില്ലായിരുന്നു. ഈ സാഹചര്യത്തിലാണ് വാഹനം അനുവദിക്കണം എന്നാവശ്യപ്പെട്ട് ഗവ. ചീഫ് വിപ്പിന് നിവേദനം നല്കിയത്. ഡെപ്യൂട്ടി ജില്ലാ മെഡിക്കല് ഓഫീസര് ഡോ. ശരത് ജി. റാവു, ഹെല്ത്ത് സൂപ്പര് വൈസര് ലിന്സണ് ഫിലിപ്പ്, ഡ്രൈവര് എം.എന്. ബിജു എന്നിവരാണ് നിവേദനം നല്കിയത്. കേരള കോണ്ഗ്രസ് ജില്ലാ പ്രസിഡന്റ് പ്രഫ. എം.ജെ. ജേക്കബും ഒപ്പമുണ്ടായിരുന്നു.
കമ്പനികളുടെ സിഎസ്ആര് ഫണ്ടോ എംഎല്എഫണ്ടോ ഉപയോഗിച്ച് വാഹനം വാങ്ങി നല്കുമെന്ന് അപു ജോണ് ജോസഫ് അറിയിച്ചു.
E-paper LOGIN
LOGIN
