മൂവാറ്റുപുഴ: പ്രളയം മനുഷ്യനിര്മിതമാണെന്ന ആരോപണം ആവര്ത്തിച്ച് മൂവാറ്റുപുഴയിലെ യുഡിഎഫ് സ്ഥാനാര്ഥി മാത്യു കുഴല്നാടന്. അന്നത്തെ ജലവിഭവ മന്ത്രിയുടെ അധ്യക്ഷതയില് ചേര്ന്ന യോഗത്തിന്റെ മിനിറ്റ്സ് പുറത്തുവിട്ടാണ് മാത്യു കുഴല്നാടന് ആരോപണം കടുപ്പിച്ചത്.
2019 മേയ് 31ന് മന്ത്രിയുടെ അധ്യക്ഷതയില് ചേര്ന്ന യോഗത്തിന്റെ വിശദാംശങ്ങള് അദ്ദേഹം ഇന്നലെ മാധ്യമങ്ങള്ക്കു നല്കി. പുറത്തുവിട്ട ശബ്ദരേഖ വ്യാജമെങ്കില് തനിക്കെതിരേ നടപടിയെടുക്കാന് മാത്യു കുഴല്നാടന് വെല്ലുവിളിക്കുകയും ചെയ്തു.
മഴക്കാലത്തിന് മുമ്പുതന്നെ തോട്ടപ്പിള്ളി സ്പില്വേയ്ക്കു സമീപമുള്ള മണ്ണ് മുഴുവന് നീക്കം ചെയ്യണമെന്ന് സര്ക്കാര് ഉത്തരവിറക്കി. ജനങ്ങളുടെ ജീവനെ ബാധിക്കുന്ന പ്രളയത്തേക്കാള് സര്ക്കാര് പ്രാധാന്യം നല്കിയത് കോടികള് വിലയുള്ള കരിമണല് മറിച്ചുവില്ക്കാനാണെന്നും മാത്യു കുഴല്നാടന് ആരോപിച്ചു.
മുന്വര്ഷത്തെ അനുഭവം വച്ച് മഴയെത്തുമ്പോള് മണ്ണ് ഒഴുകിപ്പോകാതെ നോക്കണമെന്ന് ഉത്തരവില് പറയുന്നു. ഡാം മാനേജ്മെന്റിന്റെ ഉത്തരവാദിത്വമുള്ള ജലവിഭവ വകുപ്പിന് എന്താണു മണലില് കാര്യം എന്ന ചോദ്യം മാത്യു കുഴല്നാടന് ഉന്നയിച്ചു.
പ്രളയവിഷയത്തില് സിപിഎമ്മും ബിജെപിയുമായി ഡീല് നടന്നെന്നും കുഴല്നാടന് ആരോപിച്ചു. കേരളത്തില് തീവ്രമഴ പെയ്യുമെന്ന മുന്നറിയിപ്പ് കേന്ദ്രസര്ക്കാര് നല്കിയിരുന്നു. അക്കാര്യം അന്നു ചൂണ്ടിക്കാട്ടിയ സുരേഷ് ഗോപി പോലും ഇപ്പോള് ഒന്നും മിണ്ടുന്നില്ലെന്നും ഇതു ഡീലിന്റെ ഭാഗമാണെന്നും മാത്യു കുഴല്നാടന് ചൂണ്ടിക്കാട്ടി.
Deepika
E-paper LOGIN
LOGIN
