ഇരിങ്ങാലക്കുട: കൂടല്മാണിക്യം തിരുവുത്സവത്തിന്റെ ഭാഗമായി കുട്ടംകുളം പരിസരത്ത് നിര്മിക്കുന്ന ബഹുനില ദീപാലങ്കാരപ്പന്തലിന്റെ കാല്നാട്ടുകര്മം ദേവസ്വം ചെയര്മാന് അഡ്വ. സി.കെ. ഗോപി, മുന് സര്ക്കാര് ചീഫ് വിപ്പ് അഡ്വ. തോമസ് ഉണ്ണിയാടൻ, ഐസിഎല് ഫിന്കോര്പ്പ് എംഡി കെ.ജി. അനില്കുമാര് തുടങ്ങിയവര് സംയുക്തമായി നിര്വഹിച്ചു.
നാലുനിലകളിലായി നിര്മിക്കുന്ന പന്തലിന്റെ നിര്മാണ പ്രവര്ത്തനങ്ങള് 25ന് പൂര്ത്തിയാകും. തുടര്ച്ചയായ പത്താമത്തെ വര്ഷമാണ് ഐസിഎല് ഫിന്കോര്പ്പിന്റെ നേതൃത്വത്തില് പന്തലും ബസ് സ്റ്റാൻഡ് മുതല് കിഴക്കേഗോപുരം വരെയുള്ള ദീപാലങ്കാരങ്ങളും ഒരുക്കുന്നത്. ചടങ്ങില് ദേവസ്വം ഭരണസമിതി അംഗങ്ങളായ രാഘവന് മുളങ്ങാടൻ, മുരളി ഹരിതം, അഡ്വ. കെ.ജി. അജയകുമാർ, കെ. ബിന്ദു, നഗരസഭ കൗണ്സിലര്മാരായ പി.വി. ശിവകുമാർ, എം.എസ്. ദാസന് തുടങ്ങിയവര് പങ്കെടുത്തു. പൂജകള്ക്ക് കീഴ്ശാന്തി ഹരീഷ് നേതൃത്വം നല്കി.
Deepika
E-paper LOGIN
LOGIN
