മുംബൈ: 2026 ഐസിസി പുരുഷ ട്വന്റി-20 ക്രിക്കറ്റ് ലോകകപ്പിന്റെ മികച്ച താരത്തിനുള്ള പട്ടികയില് ഇന്ത്യന് ടീമില്നിന്ന് സഞ്ജു സാംസണ് മാത്രം.
പ്രാഥമിക റൗണ്ടില് പ്ലേയിംഗ് ഇലവനില് സ്ഥാനമില്ലാതിരുന്ന സഞ്ജു, വീണുകിട്ടിയ അവസരം മുതലാക്കി സൂപ്പര് എട്ടിലെ അവസാന മത്സരത്തില് വെസ്റ്റ് ഇന്ഡീസിന് എതിരേയും (97 നോട്ടൗട്ട്) സെമിയില് ഇംഗ്ലണ്ടിനെതിരേയും (89) അര്ധസെഞ്ചുറികളോടെ പ്ലെയര് ഓഫ് ദ മാച്ച് ആയിരുന്നു.
പ്ലെയര് ഓഫ് ദ ടൂര്ണമെന്റിനെ വോട്ടിംഗിലൂടെ തെരഞ്ഞെടുക്കാനുള്ള അവസരമാണ് ഐസിസി നല്കിയിരിക്കുന്നത്.
ഇംഗ്ലീഷ് ഓള് റൗണ്ടര് വില് ജാക്സ്, പാക്കിസ്ഥാന് ഓപ്പണര് സാഹിബ്സാദ ഫര്ഹാന്, ദക്ഷിണാഫ്രിക്കന് ക്യാപ്റ്റന് എയ്ഡന് മാര്ക്രം, പേസര് ലുങ്കി എന്ഗിഡി, ന്യൂസിലന്ഡ് ഓള്റൗണ്ടര് രചിന് രവീന്ദ്ര, ബാറ്റര് ടിം സീഫേര്ട്ട്, അമേരിക്കന് ബൗളര് ഷാഡ്ലി വാന് ഷാല്ക്വിക്ക് എന്നിവരാണ് പട്ടികയിലെ മറ്റു താരങ്ങള്. ഐസിസിയുടെ ഔദ്യോഗിക വെബ് സൈറ്റിലൂടെ ഇന്നു രാത്രി പത്ത് വരെ വോട്ട് രേഖപ്പെടുത്താം.
Deepika
E-paper LOGIN
LOGIN
