4

ബെയ്ജിംഗ്: വിജയം പ്ര​വ​ചി​ക്കാ​ൻ ശാ​സ്ത്രീ​യ​മാ​ർ​ഗ​മു​ണ്ടോ? ഉ​ണ്ടെ​ന്നാ​ണ് ബെയ്​ജിം​ഗി​ലെ ച​രി​ത്ര അ​ധ്യാ​പ​കൻ ജി​യാ​ങ് ഷു​ക്കി​ൻ അ​വ​കാ​ശ​വാ​ദം ഉ​ന്ന​യി​ക്കു​ന്ന​ത്. 2024ൽ ​ഷു​ക്കി​ൻ ന​ട​ത്തി​യ മൂ​ന്നു പ്ര​ധാ​ന രാഷ്‌ട്രീ​യ പ്ര​വ​ച​ന​ങ്ങ​ളി​ൽ ര​ണ്ടെ​ണ്ണം ഇ​തി​നോ​ട​കം യാഥാർഥ്യമായതോടെ ചൈ​നീ​സ് നൊ​സ്‌​ട്ര​ഡാ​മ​സ്- എ​ന്ന പേ​രി​ൽ സോ​ഷ്യ​ൽ മീ​ഡി​യ​യി​ൽ ഷു​ക്കി​ൻ വൈ​റ​ലാ​ണ്.

അമേരിക്കൻ എഴുത്തുകാരനായ ഐ​സ​ക് അ​സി​മോ​വി​ന്‍റെ ഫൗ​ണ്ടേ​ഷ​ൻ - നോ​വ​ലിലെ സൈ​ക്കോഹി​സ്റ്റ​റി എ​ന്ന സാ​ങ്ക​ൽ​പ്പി​ക ശാ​സ്ത്ര​ത്തി​ൽനിന്നു പ്ര​ചോ​ദ​നം ഉ​ൾ​ക്കൊ​ണ്ടാ​ണ് ജി​യാംഗ് ത​ന്‍റെ നി​ഗ​മ​ന​ങ്ങ​ൾ അ​വ​ത​രി​പ്പി​ക്കു​ന്ന​ത്. ച​രി​ത്ര​ത്തി​ലെ ആ​വ​ർ​ത്ത​ന സ്വ​ഭാ​വ​ങ്ങ​ൾ, ഭൗ​മ​രാഷ്‌ട്രീ​യ താ​ത്പ​ര്യ​ങ്ങ​ൾ തുടങ്ങിയവ വി​ശ​ക​ല​നം ചെ​യ്ത് ഭാ​വി​ മു​ൻ​കൂ​ട്ടി കാ​ണാ​ൻ ക​ഴി​യു​മെ​ന്നാണ് ഷുക്കിൻ അവകാശമുന്നയിക്കുന്നത്.

മൂന്നു കാര്യങ്ങൾ

2024 മേയിൽ ‌ന​ട​ത്തി​യ പ്ര​ഭാ​ഷ​ണ​ത്തി​ൽ ഷുക്കിൻ പ്ര​ധാ​ന​മാ​യും മൂന്നു കാ​ര്യ​ങ്ങ​ളാ​ണ് പ​റ​ഞ്ഞത്:
അ​മേ​രി​ക്ക​യുടെ ഭ​ര​ണതലപ്പത്തേക്കു ട്രം​പ് വീ​ണ്ടും എ​ത്തു​മെ​ന്നു ഷുക്കിൻ പ്ര​വ​ചി​ച്ചിരുന്നു. ട്രം​പ് അ​ധി​കാ​ര​ത്തി​ൽ വ​ന്നാ​ൽ ഇ​റാ​നെതിരേ സൈ​നി​ക നീ​ക്കം നടത്തുമെന്നും ഷുക്കിൻ പ്രവചിച്ചിരുന്നു. ഈ രണ്ടു പ്രചനങ്ങളും യാ​ഥാ​ർഥ്യ​മാ​യ​തോ​ടെ​യാ​ണ് അ​ദ്ദേ​ഹ​ത്തി​ന്‍റെ മൂ​ന്നാ​മ​ത്തെ പ്ര​വ​ച​നം ഇ​പ്പോ​ൾ വലിയ ചർച്ചയാകുന്നത്. ഇ​റാ​നു​മാ​യു​ള്ള യു​ദ്ധ​ത്തി​ൽ അ​മേ​രി​ക്ക പ​രാ​ജ​യ​പ്പെ​ടുമെന്നാണ് ഷുക്കിന്‍റെ മൂന്നാമത്തെ ​പ്ര​വ​ച​നം.

യുദ്ധം കരയിലെത്തിയാൽ

ബിസി 415-413 കാലഘട്ടത്തിൽ സംഭവിച്ച സി​സി​ലി​യ​ൻ എ​ക്സ്പെ​ഡി​ഷനുമായാണ്, ഇറാനെതിരെയള്ള അ​മേ​രി​ക്കൻ നീ​ക്ക​ത്തെ ഷുക്കിൻ താ​ര​ത​മ്യം ചെയ്യുന്നത്. അ​ന്ന് ഏ​ഥ​ൻ​സിനു സം​ഭ​വി​ച്ച വ​ലി​യ ത​ക​ർ​ച്ച​യ്ക്കു സ​മാ​ന​മാ​യി​രി​ക്കും അമേരിക്കൻ ഭരണകൂടം നേരിടേണ്ടിവരികയെന്നും ഷുക്കിൻ മു​ന്ന​റി​യി​പ്പ് ന​ൽ​കു​ന്നു. ഷുക്കിന്‍റെ ശാ​സ്ത്രീ​യ നി​ഗ​മ​ന​ങ്ങ​ൾ ഇ​വ​യാ​ണ്- ഇ​റാന്‍റെ പ​ർവ​ത​നി​ര​ക​ൾ നി​റ​ഞ്ഞ ഭൂ​പ്ര​കൃ​തി ഒ​രു വി​ദേ​ശ സൈ​ന്യ​ത്തിനു ദീ​ർ​ഘ​കാ​ലം പി​ടി​ച്ചു​നി​ൽ​ക്കാ​ൻ വെ​ല്ലു​വി​ളി​യാ​ണെന്നു ഷുക്കിൻ വിലയിരുത്തുന്നു.

ഇ​റാ​ൻ ഇരുപതു വ​ർ​ഷ​മാ​യി യു​ദ്ധ​ത്തിനു ത​യാ​റെ​ടു​ക്കു​ക​യാ​ണെ​ന്നും അ​മേ​രി​ക്ക​ൻ സാ​മ്രാ​ജ്യ​ത്തെ ത​ള​ർ​ത്താ​ൻ ത​ന്ത്ര​പ​ര​മാ​യ നീ​ക്ക​ങ്ങ​ൾ അ​വ​ർ​ക്ക​റി​യാ​മെ​ന്നും ഷുക്കിൻ നി​രീ​ക്ഷിക്കുന്നു. മാത്രമല്ല, ക​ഴി​ഞ്ഞ ജൂ​ണി​ലെ പന്ത്രണ്ടു ദി​വ​സ​ത്തെ സം​ഘ​ർ​ഷ​ത്തി​ലൂ​ടെ അ​മേ​രി​ക്ക​യു​ടെ​യും ഇ​സ്രയേലിന്‍റെ​യും ആ​ക്ര​മ​ണ ശേ​ഷി ഇ​റാ​ൻ വില‍യിരുത്തിയെന്നും ഷുക്കിൻ പറയുന്നു.

ഈ ​യു​ദ്ധം പെ​ട്ടെ​ന്ന് അ​വ​സാ​നി​ക്കി​ല്ലെ​ന്നും, ഇ​ത് തീ​രു​മ്പോ​ഴേ​ക്കും ലോ​കം ഇ​പ്പോ​ൾ കാ​ണു​ന്ന രീ​തി​യി​ലാ​യി​രി​ക്കി​ല്ലെ​ന്നും ഷുക്കിൻ മുന്നറിയിപ്പുനൽകുന്നു. ഡാ​റ്റ​യും ച​രി​ത്ര​പ​ര​മാ​യ വ​സ്തു​ത​ക​ളും മു​ൻ​നി​ർ​ത്തി ഷുക്കിൻ നടത്തുന്ന പ്രവചനങ്ങളുടെയും ഫലം എന്തായിരിക്കുമെന്നു കാത്തിരുന്നു കാണാം