25

ന്യൂയോർക്ക്: യുക്രെയ്ൻ യുദ്ധം അവസാനിപ്പിക്കുന്നതിന് യുഎഇയിൽ ത്രികക്ഷി ചർച്ചയ്ക്കു സാധ്യത. യുക്രെയ്നു പുറമേ റഷ്യയും അമേരിക്കയും ചർച്ചയിൽ പങ്കാളികളാകും. യുക്രെയ്ൻ പ്രസിഡന്‍റ് സെലൻസ്കിയാണ് ഇക്കാര്യം അറിയിച്ചത്.

അമേരിക്കയാണ് ചർച്ചയ്ക്കു നിർദേശം വച്ചതെന്ന് സെലൻസ്കി പറഞ്ഞു. തീയതി അമേരിക്ക വരും ദിവസങ്ങളിൽ പ്രഖ്യാപിക്കും. ചർച്ചാവേദിയായി യുഎഇയെ പരിഗണിക്കാമെന്ന് നിർദേശിച്ചതും അമേരിക്കയാണെന്ന് സെലൻസ്കി കൂട്ടിച്ചേർത്തു.

യുക്രെയ്നും അമേരിക്കയും ഉൾപ്പെടുന്ന ത്രികക്ഷി ചർച്ചയ്ക്കു സാധ്യതയുണ്ടെന്ന് റഷ്യൻ വൃത്തങ്ങളും മോസ്കോയിൽ പറഞ്ഞു.

ന്യൂയോർക്കിലെ യുഎൻ പൊതുസഭാ സമ്മേളനത്തിനിടെ സെലൻസ്കി അമേരിക്കൻ പ്രസിഡന്‍റ ്ട്രംപുമായി കൂടിക്കാഴ്ച നടത്തിയിരുന്നു. യുദ്ധം അവസാനിപ്പിക്കാനുള്ള മാർഗങ്ങളാണ് ചർച്ച ചെയ്തത്. റഷ്യാ-അമേരിക്ക പ്രതിനിധികൾ തമ്മിലും ന്യൂയോർക്കിൽ ചർച്ച നടന്നിരുന്നു.