10

സു​ല്‍​ത്താ​ന്‍ ബ​ത്തേ​രി: നെ​ന്‍​മേ​നി പ​ഞ്ചാ​യ​ത്തി​ലെ ചീ​രാ​ല്‍ വെ​ള്ള​ച്ചാ​ല്‍ പ്ര​ദേ​ശ​ത്ത് വീ​ണ്ടും ക​ടു​വ​യു​ടെ ആ​ക്ര​മ​ണം.വീ​ടി​നോ​ട് ചേ​ര്‍​ന്ന കൃ​ഷി​യി​ട​ത്തി​ല്‍ മേ​യാ​ന്‍ കെ​ട്ടി​യി​ട്ടി​രു​ന്ന ര​ണ്ട് പോ​ത്തു​ക​ളെ ക​ടു​വ കൊ​ന്നു.

ഒ​പ്പ​മ​റ്റ​ത്തി​ല്‍ റെ​ജി​യു​ടെ പോ​ത്തു​ക​ളാ​ണ് കൊ​ല്ല​പ്പെ​ട്ട​ത്. ഒ​രു പോ​ത്തി​നെ പാ​തി​ഭ​ക്ഷി​ച്ച നി​ല​യി​ലാ​യി​രു​ന്നു. ഇ​ന്ന​ലെ രാ​വി​ലെ ഏ​ഴോ​ടെ​യാ​ണ് റെ​ജി ര​ണ്ട് പോ​ത്തു​ക​ളെ​യും വീ​ടി​നോ​ട് ചേ​ര്‍​ന്ന കൃ​ഷി​യി​ട​ത്തി​ല്‍ മേ​യാ​ന്‍ കെ​ട്ടി​യ​ത്. രാ​വി​ലെ 11ഓ​ടെ പോ​ത്തു​ക​ളെ മാ​റ്റി​ക്കെ​ട്ടാ​നെ​ത്തി​യ​പ്പോ​ഴാ​ണ് ര​ണ്ട് പോ​ത്തു​ക​ളേ​യും ച​ത്ത​നി​ല​യി​ല്‍ ക​ണ്ടെ​ത്തി​യ​ത്.

വ​ന​പാ​ല​ക​ര്‍ സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. പോ​ത്തു​ക​ളെ കൊ​ന്ന​ത് ക​ടു​വ​യാ​ണെ​ന്ന് വ​നം​വ​കു​പ്പ് സ്ഥി​രീ​ക​രി​ച്ചു. തു​ട​ര്‍​ച്ച​യാ​യി ക​ടു​വ​യു​ടെ​യും പു​ലി​യു​ടെ​യും ആ​ക്ര​മ​ണം ഉ​ണ്ടാ​കു​ന്ന​തി​ല്‍ പ്ര​ദേ​ശ​വാ​സി​ക​ള്‍ ശ​ക്ത​മാ​യ പ്ര​തി​ഷേ​ധം ഉ​യ​ര്‍​ത്തി. ക​ടു​വ​യെ അ​ടി​യ​ന്ത​ര​മാ​യി കൂ​ടു​വ​ച്ച് പി​ടി​കൂ​ട​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

ചീ​രാ​ല്‍, ന​മ്പ്യാ​ര്‍​കു​ന്ന്, വെ​ള്ള​ച്ചാ​ല്‍, കൊ​ഴു​വ​ണ തു​ട​ങ്ങി​യ പ്ര​ദേ​ശ​ങ്ങ​ളി​ല്‍ ഒ​രു വ​ര്‍​ഷ​ത്തി​ലേ​റെ​യാ​യി വ​ള​ര്‍​ത്തു​മൃ​ഗ​ങ്ങ​ള്‍​ക്കു​നേ​രേ ക​ടു​വ​യു​ടെ​യും പു​ലി​യു​ടെ​യും ആ​ക്ര​മ​ണം രൂ​ക്ഷ​മാ​ണ്. ഈ ​കാ​ല​യ​ള​വി​ല്‍ മു​പ്പ​തി​ല​ധി​കം വ​ള​ര്‍​ത്തു​മൃ​ഗ​ങ്ങ​ള്‍ കൊ​ല്ല​പ്പെ​ട്ട​താ​യാ​ണ് പ്ര​ദേ​ശ​വാ​സി​ക​ള്‍ പ​റ​യു​ന്ന​ത്. ഇ​തി​ന​കം ര​ണ്ട് പു​ലി​ക​ളെ കേ​ര​ള വ​നം​വ​കു​പ്പും ഒ​രു പു​ലി​യെ ത​മി​ഴ്‌​നാ​ട് വ​നം​വ​കു​പ്പും കൂ​ടു​വ​ച്ച് പി​ടി​കൂ​ടി​യി​രു​ന്നു.

വെ​ള്ള​ച്ചാ​ലി​ല്‍ ന​ട​ന്ന സം​ഭ​വ​ത്തെ തു​ട​ര്‍​ന്ന് വ​നം​വ​കു​പ്പും ജ​ന​പ്ര​തി​നി​ധി​ക​ളും ന​ട​ത്തി​യ ഇ​ട​പെ​ട​ലി​ല്‍ പ്ര​ദേ​ശ​ത്ത് നി​രീ​ക്ഷ​ണം ശ​ക്ത​മാ​ക്കാ​ന്‍ തീ​രു​മാ​നി​ച്ചു. ഡ്രോ​ണ്‍ കാ​മ​റ ഉ​പ​യോ​ഗി​ച്ചു നി​രീ​ക്ഷ​ണം ന​ട​ത്തും. ക​ടു​വ​യെ പി​ടി​കൂ​ടു​ന്ന​തി​നാ​യി സ്ഥ​ല​ത്ത് കൂ​ട് സ്ഥാ​പി​ക്കും. കൂ​ടു​ത​ല്‍ കാ​മ​റ​ക​ള്‍ സ്ഥാ​പി​ച്ച് വ​ന്യ​ജീ​വി​ക​ളു​ടെ സാ​ന്നി​ധ്യം നി​രീ​ക്ഷി​ക്കും. ചീ​രാ​ലി​ല്‍ ഇ​ന്ന് വൈ​കു​ന്നേ​രം സ​ര്‍​വ​ക​ക്ഷി യോ​ഗം ചേ​രാ​നും തീ​രു​മാ​നി​ച്ചു.

യോ​ഗ​ത്തി​ല്‍ വ​നം​വ​കു​പ്പി​ലെ ഉ​യ​ര്‍​ന്ന ഉ​ദ്യോ​ഗ​സ്ഥ​രെ പ​ങ്കെ​ടു​പ്പി​ക്കും. വ​നം​വ​കു​പ്പി​ന്‍റെ റാ​പ്പി​ഡ് റെ​സ്‌​പോ​ണ്‍​സ് ടീം ​പ്ര​വ​ര്‍​ത്ത​നം കാ​ര്യ​ക്ഷ​മ​മാ​ക്കു​ന്ന​തി​നാ​യി ഏ​റെ നാ​ളാ​യി ഉ​യ​ര്‍​ന്നു​വ​രു​ന്ന ആ​വ​ശ്യ​വും പ​രി​ഗ​ണി​ക്കും. ആ​ര്‍​ആ​ര്‍​ടി​ക്ക് പ്ര​വ​ര്‍​ത്തി​ക്കാ​ന്‍ പ​ഞ്ചാ​യ​ത്തി​ന്‍റെ ഉ​ട​മ​സ്ഥ​ത​യി​ലു​ള്ള കെ​ട്ടി​ട​ത്തി​ല്‍ സൗ​ക​ര്യം ഒ​രു​ക്കും. ക​ടു​വ​യു​ടെ​യും പു​ലി​യു​ടെ​യും ആ​ക്ര​മ​ണ​ത്തി​ല്‍ കൊ​ല്ല​പ്പെ​ടു​ന്ന വ​ള​ര്‍​ത്തു​മൃ​ഗ​ങ്ങ​ള്‍​ക്ക് അ​ര്‍​ഹ​മാ​യ ന​ഷ്ട​പ​രി​ഹാ​രം ല​ഭ്യ​മാ​ക​കു​ന്ന​തി​നു​ള്ള ന​ട​പ​ടി​ക​ളും സ്വീ​ക​രി​ക്കു​മെ​ന്ന് അ​ധി​കൃ​ത​ര്‍ അ​റി​യി​ച്ചു