കൊച്ചി: കൊച്ചിയില് ഗ്യാസ് ഏജന്സി മാനേജര്ക്ക് നേരെ ആക്രമണം. മുണ്ടംവേലിയിലെ സൂപ്പര് ഫ്ളെയിംസ് ഭാരത് ഗ്യാസ് ഏജന്സിയിലെ മാനേജര് രാജേഷിന് നേരെയാണ് ആക്രമണ ശ്രമം ഉണ്ടായത്.
മാനേജര്ക്ക് നേരെ കത്തി വീശി എത്തിയ ഡെന്നിസ് അറയ്ക്കല് എന്ന പ്രതിയെ ഏജന്സി ജീവനക്കാര് തടഞ്ഞു. ഇന്ന് രാവിലെ 9.50 ഓടെയാണ് സംഭവം. സംഭവത്തിൽ മാനേജര് രാജേഷ് തോപ്പുംപടി പോലീസില് പരാതി നല്കി.
പോലീസ് എഫ്ഐആര് രജിസ്റ്റര് ചെയ്ത് അന്വേഷണം ആരംഭിച്ചു. പോലീസ് പ്രതിയെ അറസ്റ്റ് ചെയ്യണമെന്ന് ആവശ്യപ്പെട്ട് സിലിണ്ടര് വിതരണം പൂര്ണമായും നിര്ത്തി ഏജന്സി തൊഴിലാളികള് പ്രതിഷേധിച്ചു.
ഇതാദ്യമായല്ല ഡെന്നിസ് ഗ്യാസ് ഏജന്സിയിലുള്ളവരെ ആക്രമിക്കുന്നത്. മാസങ്ങള്ക്ക് മുമ്പ് ഏജന്സിയിലെ ഡെലിവറി ബോയ്യെ ഇയാള് ആക്രമിച്ചിരുന്നു. എന്നാല് ഇയാള്ക്ക് മാനസികസ്വാസ്ഥ്യം ഉണ്ടെന്ന് കുടുംബം അറിയിച്ചതിനെ തുടര്ന്ന് കേസ് നല്കിയിരുന്നില്ല.
E-paper LOGIN
LOGIN