പാലക്കാട്: പാലക്കാട് ആലത്തൂരിൽ ഡ്രൈവിംഗ് ലൈസൻസിനുള്ള ലേണേഴ്സ് ടെസ്റ്റിനെത്തിയ യുവതിക്കും ഭർത്താവിനും 5,000 രൂപ പിഴ. ആലത്തൂർ സബ് ആർടിഒ ആണ് പിഴ ചുമത്തിയത്. മോട്ടോർ വാഹന വകുപ്പ് ഓഫീസിലേക്ക് ലൈസൻസില്ലാതെ വാഹനം ഓടിച്ചുവന്നതിനാണ് പിഴ.
ലൈസൻസില്ലാത്തയാൾക്ക് വാഹനം ഓടിക്കാൻ കൊടുത്തതിനും ലൈസൻസില്ലാതെ വാഹനം ഓടിച്ചതിനുമാണ് പിഴ ചുമത്തിയത്. പരീക്ഷാ കേന്ദ്രത്തിലേക്ക് ഇവർ വാഹനം ഓടിച്ചുവരുന്നത് മോട്ടോർ വാഹന വകുപ്പ് ഉദ്യോഗസ്ഥർ ശ്രദ്ധിച്ചിരുന്നു.
തുടർന്ന് പരീക്ഷയ്ക്ക് എത്തിയപ്പോൾ യുവതിയോട് വാഹനമോടിച്ച് വന്ന കാര്യം ചോദിച്ച് ഉറപ്പാക്കിയ ശേഷമായിരുന്നു ഉദ്യോഗസ്ഥർ പിഴ ചുമത്തിയത്.