പാറശാല: സിവില് സര്വീസ് പരീക്ഷയില് 57-ാം റാങ്ക് നേടിയ ജെ.എസ്. ശ്രീജയെ സരസ്വതി എഡ്യൂക്കേഷണല് ട്രസ്റ്റ് ആദരിച്ചു. സരസ്വതി കോളജ് ഓഫ് നഴ്സിംഗ് ഓഡിറ്റോറിയത്തില് നടന്ന ചടങ്ങില് കെ. ആന്സലന് എംഎല്എ അധ്യക്ഷത വഹിച്ചു.
ട്രസ്റ്റ്ചെയര്മാന് ഡോ. എസ്.കെ. അജയ്യകുമാര് ശ്രീജയ്ക്ക് ട്രസ്റ്റിന്റെ വകയായി ഒരു ലക്ഷം രൂപയുടെ കാഷ് അവാര്ഡും ഫലകവും സമ്മാനിച്ചു.
സരസ്വതി എഡ്യൂക്കേഷണല് ട്രസ്റ്റ് ലൈസന് ഓഫീസര് അയിര ശശി, കോളജ് പ്രിന്സിപ്പൽ കവിത, അഡ്മിനിസട്രേഷന് ഓഫീസര് വേണു ഗോപാലന് നായര്, ഹോസ്പിറ്റല് സിഇഒ പ്രവീണ്, സജു സാം, ഡോ. അവിനാശ് കൃഷ്ണന്, ഡോ. അതുല്യ തുടങ്ങിയവര് പങ്കെടുത്തു.
അന്താരാഷ്ട്ര വനിതാദിനം: ജെ.എസ്. ശ്രീജയെ ആദരിച്ചു
നെയ്യാറ്റിന്കര : വനിതാദിനത്തില് താരമായി സിവില് സര്വീസ് പരീക്ഷയില് 57-ാം റാങ്ക് നേടിയ ജെ.എസ്. ശ്രീജ. നെയ്യാറ്റിൻകര രൂപതയിലെ കേരള ലത്തീൻ വിമണ് അസോസിയേഷന് സംഘടിപ്പിച്ച വനിതാദിന പരിപാടിയിലാണ് ശ്രീജ മുഖ്യാതിഥിയായി പങ്കെടുത്തത്.
മാതാപിതാക്കളുടെ കഠിനാധ്വാനവും ദൈവാനുഗ്രഹവും വിജയത്തിലേക്ക് നയിച്ചെന്നും ശ്രീജ പറഞ്ഞു. ശ്രീജയുടെ വിജയം വിദ്യാര്ഥികള് മാതൃകയാക്കണമെന്ന് ബിഷപ്പ് ഡോ. സെല്വരാജന് പറഞ്ഞു. രൂപത മുന് വികാരി ജനറാൾ മോണ്. ജി. ക്രിസ്തുദാസ് ശ്രീജക്ക് 1.75 ലക്ഷം രൂപ കൈമാറി. ശ്രീജക്ക് പ്രഥമ ദിവ്യകാരുണ്യം നല്കിയതും മുന് വികാരി ജനറാളായിരുന്നു. തുടര്ന്നു നെയ്യാറ്റിന്കര രൂപതയുടെ ആദരം ബിഷപ് ഡോ. സെല്വരാജന് നല്കി.
കേരളാ ലാറ്റിന് കാത്തലിക് വിമണ് അസോസിയേഷനും ശ്രീജയെ അനുമോദിച്ചു. നെയ്യാറ്റിന്കര രൂപതാംഗമായ ശ്രീജ അമ്മാനിമല ക്രിസ്തുരാജ ഇടവകാംഗമാണ്. കെഎല്സിഡബ്ല്യൂഎ രൂപതാ പ്രസിഡന്റ് ഉഷാരാജന്, വികാരി ജനറാൾ മോണ്. ക്രിസ്തുദാസ് തോംസണ്, ഫാ. സി ജോയി, ഫാ. ക്ലീറ്റസ്, പി.ആര്. പോള്, ബ്ലോക്ക് പഞ്ചായത്ത് പ്രസിഡന്റ് ഉഷാകുമാരി, അജിതകുമാരി തുടങ്ങിയവര് പ്രസംഗിച്ചു.
E-paper LOGIN
LOGIN
